რუსეთის ბრიანსკის ოლქის გუბერნატორი, ალექსანდრ ბოგომაზი აცხადებს, რომ უკრაინულმა ძალებმა ოლქის სოფელი კურკოვიჩი დაბომბეს.
„დილით უკრაინის შეიარაღებულმა ძალებმა სტაროდუბსკის მუნიციპალიტეტის სოფელი კურკოვიჩი დაბომბეს“, - განაცხადა გუბერნატორმა.
მისი თქმით, დაბომბვას მსხვერპლი არ მოჰყოლია.
„არავინ დაღუპულა ან დაშავებულა. დაბომბვის შედეგად ერთ-ერთ სახლში ხანძარი გაჩნდა. ადგილზე მობილიზებულია სასწრაფო დახმარების ყველა სამსახური“, - აღნიშნა ბრიანსკის ოლქის გუბერნატორმა.
შეგახსენებთ, ალექსანდრ ბოგომაზმა გუშინ განაცხადა, რომ რკინიგზაზე ასაფეთქებელი მოწყობილობა აფეთქდა, რის შედეგადაც სატვირთო მატარებელი რელსებიდან გადავიდა.
IPN
