რომის პაპი საავადმყოფოდან გაწერეს - მე ჯერ კიდევ ცოცხალი ვარ
01.04.2023 ნახვები: 595
სამდღიანი მკურნალობის შემდეგ რომის პაპი ფრანცისკე გემელის საავადმყოფოდან გაწერეს, – ინფორმაციას „ბიბისი“ ავრცელებს.
ექიმების რეკომენდაციით, რომის პაპის ჯანრთელობის მდგომარეობა მისი საავადმყოფოდან გაწერის საშუალებას იძლეოდა.
ამასთან, მედიის ცნობით, რომის პაპი ფრანცისკე საავადმყოფოსთან შეკრებილ ადამიანებს მიესალმა და რამდენიმე მათგანს გაეხუმრა: „მე ჯერ კიდევ ცოცხალი ვარ“.
რომის პაპი გემელის საავადმყოფოში ოთხშაბათს სუნთქვის გაძნელებით გადაიყვანეს. მოგვიანებით მას ბრონქიტი დაუდგინდა.
