"ლეიბორისტული პარტიის" ლიდერი შალვა ნათელაშვილი ჰააგას სასამართლოს ბიძინა ივანიშვილის დაპატიმრების ორდერის გაცემას სთხოვს. ამის შესახებ ოპოზიციის ლიდერმა საგანგებო ბრიფინგზე განცხადა.
ნათელაშვილმა ყველა ის პრობლემა ჩამოთვალა, რომელიც ქვეყანას ივანიშვილის მმართველპობა მოუტანა. მისი თქმით, ამდენი ზიანი, რაც ოლიგარქმა ივანიშვილმა საქართველოს მოუტანა, სხვა ქვეყნებისთვის ერთად აღებულ ოლიგარქებს არ მოუტანიათ.
"ჩვენ მივმართავთ ჰააგის ტრიბუნალს გასცეს დაპატიმრების ორდერი საქართველოს დიქტატორ რუს ოლიგარქ ბიძინა ივანიშვილზე, რომელმაც კრემლის დავალებით ჩვენს ქვეყანაში მოახდინა პრორუსული პოლიტიკური ანექსია, იყიდა სახელმწიფო, ხელისუფლების ყველა შტო, მოახდინა სახელისუფლებო ინსტიტუტების სრული პრივატიზაცია, დაამყარა უსასტიკესი პოლიტიკური, რეპრესიული რეჟიმი ქვეყანაში, ციხეები გაავსო პოლიტიკური პატიმრებით, ახალგაზრდებს დასთხარა თვალები, საყდრისი ასწია კოსმოსში პირადი მოგებისთვის, მიითვისა მთელი ქვეყნის საარსებო სივრცე, აიძლა მკვიდრი მოსახლეობა დაეტოვებინათ თავისი სამშობლო და ჩაიდინა გენოციდი ეთნიკური წმენდით. ყველაფერი ეს საკმარისია იმისთვის, რომ გასასამართლებლად, დასაპატიმრებლად ეყოს ასეულობით რუს ოლიგარქს. ყველას ერთად იმდენი ვნება არ მოუტანია მსოფლიო დემოკრატიული სისტემებისთვის, და რომელიმე კონკრეტული ქვეყნისთვის, რუს ოლიგარქებს, რაც მოიტანა ერთმა ბიძინა ივანიშვილმა, ამიტომ ეს მიმართვა, ვფიქრობ, წარმოსახავს სრულიად საქართელოს ინტერესებსა და გუსლითქმას, - განაცხადა ნათელაშვილმა.
