სტუდენტები სახალხო დამცველის ოფისში არიან. შეხვედრა ომბუდსმენის ოფისში ამ წუთებში მიმდინარეობს.
ახალგაზრდები, რომლებიც ბოლო ერთი კვირაა ხელისუფლების ხმრიდან ფსიქოლოგიური ტერორის მსხვერპლნი არიან, უფლებების დაცვას ლევან იოსელიანს სთხოვენ.
სახალხო დამცვველის ოფისში სხვადასხვა უნივერსიტეტის სტუდენტები მივიდნენ. ახალაგზრდები ფიქრობენ, რომ იოსელიანს დღეს დამოუკიდებლობის პირველი ტესტის ჩაბარება უწევს და მისგან კრიტიკულ ანგარიშს ელოდებიან.
"დავიახეთ, რომ ხელისუფლებამ ძალას გადაამეტა და ფაქტობრივად ნადირობა გაიმართა რუსთაველზე. სპეცრაზმელები ნადირობდნენ ახალგაზრდებზე და მშვიდობიან დემონსტრანტებზე. სწორედ ამ ყველაფერზე ჩვენ მივაწვდით ინფორმაციას სახალხო დამცველს. ასევე, ჩვენ გვინდა, რომ სახალხო დამცველი ჩავაყენოთ საქმის კურსში, როგორი დისკრიმინაციული კამპანია მიმდინარეობს სტუდენტების მისამართით. ასევე სახალხო დამცველს მივაწვდით ინფორმაციას, თუ როგორ ცდილობს "ოცნება" ახალგაზრდებისთვის საუნივერსიტეტო ცხოვრებისა და პროტესტის გაჩერებას. ჩვენი მიზანია და სურვილი, რომ გამოქვეყნდეს სახალხო დამცველის ანგარიში, სადაც დეტალურად იქნება აღწერილი, როგორი ზეწოლის მექანიზმები მოქმედებს სტუდენტებზე, რომ სტუდენტებს ჩირქი მოსცხონ და ჩვენი სამართლებრივი და გულანთებული პროტეტსი ოპოზიციურ, პოლიტიკურ პარტიებთან აფილირებას მიაწერონ", - ამბობს სტუდენტი.
