სერგეი ლავროვი - საქართველოსა და მოლდოვასთან დაკავშირებით აშშ-ის რეაქცია ღიმილს იწვევს

ამერიკის შეერთებული შტატების განსხვავებული რეაქცია საქართველოსა და მოლდოვაში მიმდინარე მოვლენებზე მხოლოდ ღიმილს იწვევს, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

„ღიმილს იწვევს დასავლეთის, იგივე სახელმწიფო დეპარტამენტის პოზიცია, რომელიც პათოსური ტონით აცხადებს ამგვარი დამოკიდებულების დაუშვებლობას სამოქალაქო საზოგადოების მიმართ (საქართველოში ), ღიმილს იწვევს. საქართველოში ოპოზიციას არა მხოლოდ შეუძლია, არამედ ვალდებულია გააკეთოს ის, რაც სურს, მოლდოვაში კი დღევანდელი ხელისუფლების წინააღმდეგ პროტესტს გმობენ, რადგან საქართველოში ოპოზიცია ასახავს დასავლეთის ინტერესებს, ხოლო მოლდოვაში ოპოზიცია ასახავს სხვა ინტერესებს და დასავლეთის ინტერესებს ასახავს მთავრობა და პრეზიდენტი. ფაქტობრივად, ჩვენ თვალწინ იშლება ორი მსგავსი სიტუაცია საპროტესტო აქციებთან დაკავშირებით, მაგრამ მათ მიმართ დამოკიდებულება ფუნდამენტურად განსხვავებულია“, - განაცხადა ლავროვმა.