"მოვუწოდებთ საქართველოს ხელისუფლებას, საშუალება მისცეს მოქალაქეებს, გამოხატონ მშვიდობიანი პროტესტი"- ამერიკელი სენატორების განცხადება
09.03.2023 ნახვები: 544
"ქართული ოცნების" მიერ ახალი კანონპროექტის პირველი მოსმენით დამტკიცებას ეხმაურებიან ამერიკელი სენატორები რიში, შაჰინი, მენდესი, დურბინი და რიკეტსი. ამერიკელი პოლიტიკოსები საერთო განცხადებაში "ქართულ ოცნებას" ახალი კანონპროექტის გამო აკრიტიკებენ.
"ქუჩაში გამოსული ქართველი ხალხი ნათლად ხედავს რომ საქართველოს პარლამენტის ეს ნაბიჯი ემუქრება არა მხოლოდ საქართველოს დამოუკიდებელ მედიას და სამოქალაქო საზოგადოებას, არამედ წარმოადგენს უზარმაზარ უკან გადადგმულ ნაბიჯს ქართული დემოკრატიისთვის. ეს კანონი მხოლოდ დააშორებს საქართველოს იმ ტრანსატლანტიკურ საზოგადოებას, რომელშიც მას გაწევრიანება სურს. ჩვენ მოვუწოდებთ მთავრობას, გადახედოს ამ შემაშფოთებელ კანონმდებლობას, რათა თავიდან ავიცილოთ კიდევ ერთი მარცხი დემოკრატიულ ტრაექტორიაზე და იმუშაოს ქართველი ერისთვის უკეთესი მომავლის შესაქმნელად. მოვუწოდებთ საქართველოს ხელისუფლებას, საშუალება მისცეს მოქალაქეებს გამოხატონ მშვიდობიანი პროტესტი - ეს არის ძირითადი უფლება, რომელიც უნდა იყოს დაცული ნებისმიერ დემოკრატიაში" - ნათქვამია განცხადებაში.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
