ძნელი წარმოსადგენია ამდენი ადამიანი ცდებოდეს და ერთი პოლიტიკური ჯგუფი იყოს კანონის მიღებისას მართალი - ქათამაძე
07.03.2023 ნახვები: 627
ნინო ქათამაძე რუსული კანონის წინააღმდეგ - მომღერალი სოციალურ ქსელში წერს, რომ ამდენი ადამიანი ცდებოდეს და მხოლოდ ერთი პოლიტიკური ჯგუფი იყოს კანონის მიღებისას მართალი.
"ჩვენს ქვეყანას ევროპული გამოცდილება, მეცნიერება და განათლება სჭირდება. ეს უნდა იყოს მისი ,,თოფ-იარაღი.
ილია ჭავჭავაძე 100 ზე მეტი წლის წინ ცდილობდა ქართველებისთვის სწორი გზა ეჩვენებინა, ჩვენ კი როგორც სჩანს ახლაც ვერ ვხედავთ მკაფიოდ ამ გზას, ასე ახლოს ევროპასთან და რეალურად კი თურმე ძალიან შორს. კანონი რუსულია თუ ამერიკული არ აქვს მნიშვნელობა, თუ ის ჩვენს რეალურ ადგილს გვაკარგინებს მსოფლიოში. ძნელი წარმოსადგენია ამდენი ადამიანი ცდებოდეს და მხოლოდ ერთი პოლიტიკური ჯგუფი იყოს კანონის მიღებისას მართალი, ფაქტია რომ რაღაც ხდება ისეთი, რაც ქვეყნის ევროპულ მომავალს საფრთხეს უქმნის, თუ გვინდა ევროპა მეტი შესაძლებლობებისთვის, უკეთესი განათლებისთვის, ევროპული მომავალი როგორც ჩვენი თოფ იარაღი, მაშინ როგორც ილია ჭავჭავაძე იტყოდა, მოძრაობა და მარტო მოძრაობა არის ქვეყნის ღონისა და სიცოცხლის მიმცემი. არ უნდა დაუშვას დღეს ჩვენმა საზოგადოებამ უძრაობა და ევროპაში მისი კუთვნილი ადგილის დაკარგვა". - წერს ნინო ქათამაძე.
აგენტების კანონს " აპროტესტებს ყველა - ფეხბურთელები, პროფესორ მასწვალებელები, სტუდენეტები, ხელოვანები და ამ ქვეყნის მოქალაქეები, კანონის მხადაჭერებს კი პოლიცია იცავს.
