შეიარაღებული ძალების მთავარსარდალს, ვალერი ზაუჟნის ვუთხარი, რომ გამონახოს შესაბამისი ძალები ბახმუტში ბიჭების დასახმარებლად, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მისი თქმით, შტაბის სხდომაზე უკრაინის შეიარაღებული ძალების მთავარსარდალთან, ვალერი ზალუჟნისთან და აღმოსავლეთ ჯგუფის მეთაურთან, გენერალ ალექსანდრე სირსკისთან ბახმუტის საკითხი განიხილა და პირდაპირ ჰკითხა, თუ როგორ ხედავენ თავდაცვის ოპერაციის გაგრძელებას ბახმუტის მიმართულებით - ჯარების გაყვანით თუ თავდაცვის გაგრძელებითა და ქალაქში გამაგრებით.
„მათ მიპასუხეს, რომ გავაძლიეროთ თავდაცვა და არა ჯარები გამოვიყვანოთ. სარდლობამ ამ პოზიციას ერთხმად დაუჭირა მხარი. სხვა პოზიცია არ ყოფილა მთავარსარდალს ვუთხარი, რომ გამონახოს შესაბამისი ძალები ბახმუტში მყოფი ბიჭების დასახმარებლად“, - აღნიშნა ზელენსკიმ.
მისი თქმით, არ არსებობს უკრაინის ნაწილი, რომლის შესახებაც შეიძლება ითქვას, რომ მისი მიტოვება შეიძლება.
„ბახმუტმა გამოიღო და იძლევა ერთ-ერთ უდიდეს შედეგს მთელი ამ ომის დროს, დონბასისთვის მთელი ბრძოლის განმავლობაში და მადლობას ვუხდი თითოეულ ჯარისკაცს, რომელიც იბრძვის ამ ურთულესი მიმართულებით, ვინც იბრძვის ჩვენი ქვეყნის ყველა კუთხისთვის, ყველა მიმართულებით. ჩვენ ვიცავთ და გავაგრძელებთ უკრაინის ყველა ნაწილს. როცა დრო მოვა, ჩვენ გავათავისუფლებთ ჩვენი ქვეყნის ყველა ქალაქსა და სოფელს“,- აღნიშნა ზელენსკიმ.
