აკაკი ოჩიგავას წამების და არაადამიანური მოპყრობის კონვენციის დარღვევასთან ერთად, მთავარი პრობლემა შეიქმნა იმასთან დაკავშირებითაც, რომ 2012-2016 წლებში არ მოხდა ოჩიგავას მიმართ წამებაში მხილებული პირების დასჯა, – ამის შესახებ ოპოზიციონერმა დეპუტატმა, თეონა აქუბარდიამ განაცხადა.
მისივე თქმით, სახელმწიფომ ოჩიგავას კონპენსაცია უნდა გადაუხადოს იმის გამოც, რომ არ მოხდა დანაშაულში ბრალდებულების წინააღმდეგ საქმე არ აღიძრა. მისივე შეფასებით, ეს არა მხოლოდ სამართლებრივი, პოლიტიკური პრობლემაა.
„აკაკი ოჩიგავას საქმეზე სტრასბურგის გადაწყვეტილება ძალიან მნიშვნელოვანი სიმპტომია, რაც ახასიათებს ასე ვთქვათ, გადმობარებას იმ უსამართლობის, რაც მათ შორის სტრასბურგის გადაწყვეტილებაშია აღნიშნული. აკაკი ოჩიგავას წამების და არაადამიანური მოპყრობის კონვენციის დარღვევასთან ერთად, მთავარი პრობლემა შეიქმნა იმასთან დაკავშირებითაც, რომ 2012-2016 წლებში არ მოხდა ოჩიგავას მიმართ წამებაში მხილებული პირების დასჯა. ეს არის სიმპტომატური, რომ წინა ხელისუფლება, რომელიც გადაირჩია მოსახლეობამ სწორედ ასეთი ფაქტების გამო, სამართალი ამ ადამიანმა ექვსი წლის მანძილზე თითქმის ვერ ნახა. ეს არის სწორედ სამართლიანობის აღდგენასთან დაკავშირებული დაპირების გაჯანჯლება ისევე, როგორც არშესრულება. მთავარი აქ არის ის, რომ სახელმწიფომ უნდა გადაუხადოს ოჩიგავას კომპენსაცია არა მხოლოდ წინა ხელისუფლების დროს მის წამებაზე, არამედ ხუთი თუ ექვსი წლის ვადაში, ამ წამებაში ბრალდებული საპატიმრო დაწესებულებებში მომუშავე ადამიანების წინააღმდეგ საქმის არაღძვრაში. ეს არა მხოლოდ სამართლებრივი, პოლიტიკური პრობლემაა“, – განაცხადა თეონა აქუბარდიამ.
