ტატო გრიგალაშვილი პარიზის გრან სლემის გამარჯვებული გახდა
06.02.2023 ნახვები: 599
პარიზის გრან სლემის ბოლო საშეჯიბრო დღეს 81 კგ წონით კატეგორიაში მოასპარეზე ტატო გრიგალაშვილმა ოქროს მედალი მოიპოვა.
ევროპისა და მსოფლიოს მოქმედმა ჩემპიონმა გრანდ სლემის ფინალში გერმანელი ტიმო კაველიუსი იპონით დაამარცხა.
23 წლის ქართველმა ფინალამდე იტალიელი ლორენცო პაროდი, იაპონელი კენია კოჰარა და არაბეთის გაერთიანებული საამიროების სახელით მოასპარეზე ნუგზარ ტატალაშვილი დაამარცხა.
ამასთან, დღეს პარიზის გრან სლემზე 90 კგ. წონაში მოასპარეზე ლუკა მაისურაძემ მესამე ადგილი დაიკავა. ბრიჯნაოს მედლისთვის ბრძოლაში მან ჩეხი მოწინააღმდეგე დავიდ კლამერტი დამატებით დროში იპონით დაამარცხა.
ცნობისთვის, გუშინ, 4 თებერვალს პარიზის გრან სლემის გამარჯვებული 73 კგ. წონაში ლაშა შავდათუაშვილი გახდა.
