პანდემიით გამოწვეული სამწლიანი პაუზის შემდეგ China Southern Airlines-ი საქართველოს ავიაბაზარზე დაბრუნდა.
„ტავ ჯორჯიას“ ინფორმაციით, ჩინურმა ავიაკომპანიამ ურუმჩიდან თბილისის მიმართულებით დღეს პირველი რეისი შეასრულა.
მათივე ცნობით, თბილისის საერთაშორისო აეროპორტში დღეს საზეიმო ცერემონია გაიმართა, რომელსაც თბილისისა და ბათუმის საერთაშორისო აეროპორტების მმართველი კომპანიის, TAV Georgia-ს ხელმძღვანელობა, სამოქალაქო ავიაციის სააგენტოსა და ავიაკომპანიის წარმომადგენლები ესწრებოდნენ.
China Southern Airlines-ი ურუმჩი-თბილისი-ურუმჩის მიმართულებით ზამთრის სანავიგაციო სეზონზე კვირაში ერთხელ, პარასკევობით იფრენს, ზაფხულის სეზონზე კი, მოთხოვნის შესაბამისად, სიხშირეების გაზრდას გეგმავს.
