საგანგებო სიტუაციების კოორდინაციისა და გადაუდებელი დახმარების ცენტრი - სიმართლეს არ შეესაბამება ინფორმაცია, რომ თანამშრომელთა სამუშაო პირობები გაუარესდა
11.01.2023 ნახვები: 659
საგანგებო სიტუაციების კოორდინაციისა და გადაუდებელი დახმარების ცენტრის განცხადებით, სიმართლეს არ შეესაბამება ინფორმაცია, რომ მათი თანამშრომლების სამუშაო პირობები გაუარესდა.
როგორც განცხადებაშია აღნიშნული, საგანგებო სიტუაციების კოორდინაციისა და გადაუდებელი დახმარების ცენტრმა თანამშრომელთა სამუშაო პირობების გასაუმჯობესებლად რიგი ღონისძიებები გაატარა.
განცხადებაში ასევე ნათქვამია, რომ საგანგებო სიტუაციების კოორდინაციისა და გადაუდებელი დახმარების ცენტრის ხელმძღვანელობა მზად არის, გააგრძელოს თანამშრომლებთან შეხვედრები სამუშაო ფორმატში.
„გავრცელებული ინფორმაცია, თითქოს საგანგებო სიტუაციების კოორდინაციისა და გადაუდებელი დახმარების ცენტრის თანამშრომელთა სამუშაო პირობები გაუარესდა, სიმართლეს არ შეესაბამება. საზოგადოების ინფორმირებისთვის განვმარტავთ, რომ, საგანგებო სიტუაციების კოორდინაციისა და გადაუდებელი დახმარების ცენტრის ინიციატივით, თანამშრომელთა სამუშაო პირობების გაუმჯობესების მიზნით, გატარდა რიგი ღონისძიებები. კერძოდ:
2022 წელს დაწესდა სასწრაფო სამედიცინო დახმარების პერსონალისთვის უქმე დღეებში ზეგანაკვეთური შრომის ანაზღაურება და 125 %-იანი ტარიფით განისაზღვრა; შეიცვალა და გაიზარდა ზეგანაკვეთური სამუშაო დროის ანაზღაურება, რაც სახელფასო საათობრივი ანაზღაურების 12 %-ით განისაზღვრა; 2022 წელს ცენტრის თანამშრომლებს სამჯერ დაერიცხათ სახელფასო დანამატი; 2023 წლის დასაწყისიდან როგორც სხვა საჯარო მოხელეთა, ასევე ცენტრის თანამშრომელთა ხელფასები 10% -ით გაიზარდა; 2022 წელთან შედარებით, 2023 წელს ცენტრის თანამშრომლები ისარგებლებენ ჯანმრთელობის დაზღვევის გაუმჯობესებული პაკეტით. ამ მიმართულებით ცენტრის ადმინისტრაცია სატენდერო პროცედურებს ახორციელებს. აღნიშნულის შესახებ ცენტრის თანამშრომლები ინფორმირებული არიან, შესაბამისად, გავრცელებული ინფორმაცია, თითქოს ცენტრის თანამშრომლებს გაუუქმდათ ჯანმრთელობის დაზღვევა, სიმართლეს არ შეესაბამება;
ასევე, სიმართლეს არ შეესაბამება ავტომობილების დაზღვევის გაუქმებასთან დაკავშირებით გავრცელებული ინფორმაცია. მიმდინარე წლის პირველი იანვრიდან დაზღვეულია ცენტრის ავტოპარკში არსებული ყველა ავტომობილი. ავტომობილების დასუფთავების სამუშაო ყოველდღიურ რეჟიმში ინტენსიურად მიმდინარეობს. თანამშრომელთა სამუშაო პირობების გაუმჯობესების მიზნით, უწყვეტ რეჟიმში მიმდინარეობს ცენტრის ავტოპარკისა და სამედიცინო აღჭურვილობის განახლება, არსებული ფილიალების რემონტი და ღირსეული სამუშაო გარემოს შექმნა. საგანგებო სიტუაციების კოორდინაციისა და გადაუდებელი დახმარების ცენტრის ხელმძღვანელობა მზად არის, გააგრძელოს თანამშრომლებთან შეხვედრები სამუშაო ფორმატში“, – ნათქვამია განაცხადებაში.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
