ნანუკა ჟორჟოლიანი:ეტყობა დაგავიწყდათ "კერასინკაზე" რომ თბებოდით და "კრუშკით" იბანდით

“ქოცების ახალი ნარატივი, ეს გიჟი მართავდა ქვეყანას?…ეტყობა დაგავიწყდათ “კერასინკაზე” რომ თბებოდით და “კრუშკით” იბანდით”, – აღნიშნულის შესახებ ტელეწამყვანი ნანუკა ჟორჟოლიანი სოციალურ ქსელში პოსტს აქვეყნებს.

ჟორჟოლიანის თქმით, “ქართული ოცნების” მხარესაც არის გიჟი, მაგრამ ის არაფერს აშენებს, არამედ ანგრევს.

“აჰ, ქოცების ახალი ნარატივი, ეს გიჟი მართავდა ქვეყანას? გიჟი იყო, აბა რა იყო, ამდენ მოღალატესთან ერთად სახელმწიფო რომ შექმნა, გაი პატრულად აქცია და მშიერი ჯარი ნამდვილ სამხედრო დანაყოფად.

ჩაწყობით სწავლა გააუქმა და განათლების შანსი მისცა ყველას. ქრთამის აღებით საქმეების მოგვარება დაასრულა და რეგიონში ყველაზე მიმზიდველ ქვეყნად აქცია საქართველო.

იქ, სადაც ხრიოკი იყო სოფლები და ქალაქები აშენა. “კრუშკით” რომ იბანდით ერთ ადგილს, ეტყობა დაგავიწყდათ და “კერასინკაზე” თბებოდით.

თქვენც გყავთ თქვენი გიჟი, ოღონდ ის არაფერს აშენებს. ანგრევს!”, – წერს ნანუკა ჟორჟოლიანი.