მკვლელობა კახეთში - მოკლულია 25 წლამდე ასაკის მამაკაცი. შემთხვევა გვიან ღამით, ყვარლის მუნიციპალიტეტის სოფელ ენისელში მოხდა.
წარსულში ნასამართლევმა 37 წლის კაცმა ახალგაზრდა კაცი, ურთიერთშელაპარაკების ნიადაგზე ყელის არეში დანით დაჭრა. დაჭრილი ახალგაზრდა ადგილზე გარდაიცვალა.
მძიმე დაზიანებები აქვს თავად 37 წლის კაცსაც. სასწრაფო- სამედიცინო დახმარების ბრიგადამ, ის თელავის რეფერალურ საავადმყოფოში გადაიყვანა.
ექიმების განმარტებით, პაციენტს ოპერაცია ჩაუტარდა და მის სიცოცხლეს საფრთხე არ ემუქრება.
სისხლიანი საქმის გარჩევა ყვარელში-ურთიერთშელაპარაკების ნიადაგზე 25 წლამდე კაცი მოკლეს
ნახვები: 498
