„ქართული ოცნების“ თავმჯდომარის, ირაკლი კობახიძის განცხადებით, სახალხო დამცველის შერჩევის პროცესთან დაკავშირებით გიორგი ვაშაძის განცხადებები შეურაცხმყოფელია. მისივე თქმით, ასეთი განცხადებები ქვეყნისთვის კონტრპროდუქტიულია.
როგორც ირაკლი კობახიძე ამბობს, იკვეთება „სტრატეგია აღმაშენებლის“ განზრახვა, რომ როგორმე ხელი შეუშალონ 12 პუნქტის შესრულებას და პროცესს კანდიდატის სტატუსის მიღებასთან დაკავშირებულ პროცესს.
„არა მარტო შეურაცხმყოფელია. ბუნებრივია, ისინი ვერავის ვერ მიაყენებენ შეურაცხყოფას, პირდაპირ რომ დავარქვათ სახელი, ეს იყო ჩვეულებრივი უზრდელობა. ამით გამოირჩევიან ვაშაძე, მანჯგალაძე და ჩიხლაძე. საკუთარ ლიდერს არ ჩამორჩებიან. პირველ რიგში, ეს არის კონტრპროდუქტიული ქვეყნისთვის. მათ შორის 12 პუნქტის შესრულების პროცესისთვის. პირდაპირ იკვეთება მათი განზრახვა, როგორმე ხელი შეუშალონ 12 პუნქტის შესრულებას და ხელი შეუშალონ იმ პროცესს, რასაც ჰქვია კანდიდატის სტატუსის მიღება საქართველოსთვის“, – განაცხადა ირაკლი კობახიძემ.
