რუსეთის საოკუპაციო ძალებმა გასული დღე-ღამის განმავლობაში უკრაინის წინააღმდეგ შვიდი სარაკეტო და 25 საავიაციო იერიში განახორციელა. ამის შესახებ ინფორმაციას უკრაინის არმიის გენშტაბი ავრცელებს.
უკრაინის თავდაცვის უწყების ცნობით, თავდაცვის ძალების ქვედანაყოფები პოზიციებს იკავებენ და მტერს უკრაინის ტერიტორიაზე ღრმად შეღწევის საშუალებას არ აძლევენ. რუსეთის საოკუპაციო ძალებმა ხარკოვის, კრამატორსკის და ზაპოროჟიეს რაიონები დაბომბა.
უკრაინული მედია სამი დაღუპულის შესახებ ავრცელებს ინფორმაციას. უკრაინის არმიის დანაყოფებმა გასული დღე-ღამის განმავლობაში 450-ზე მეტი რუსი სამხედრო მოკლეს და 20 ტანკი, ასევე ერთ სამხედრო თვითმფრინავი გაანადგურეს.
