Batumi Gaming Fest 2022-ის ორგანიზატორებმა მონაწილეთა სია გამოაქვეყნეს
23.08.2022 ნახვები: 590
Batumi Gaming Fest-ის ორგანიზატორების მიერ სამორინეების სფეროში საქართველოში უმსხვილესი საქმიანი და საინვესტიციო ღონისძიების მონაწილეთა სია ოფიციალურად დაანონსდა. ფესტივალი 30 ა და 1 ოქტომბერს ქ. ბათუმში, სასტუმრო Euphoria-ში გაიმართება.
Batumi Gaming Fest ერთ სივრცეში გააერთიანებს კანონმდებლებს, ადგილობრივ და საერთაშორისო ბიზნესს წარმომადგენლებს პოტენციურ ინვესტორებს.
Batumi Gaming Fest დაეხმარება მხარეებს ახალი იდეების მოძიებაში, ახალი კავშირებისა და პარტნიორული ურთიერთობების დამყარებაში.
ფესტივალი წარმოადგენს კონფერენციისა და დემო სივრცის ერთგვარ სინთეზს, სადაც გეიმინგის სფეროში მომუშავე საერთაშორისო და ადგილობრივი კომპანიები შეძლებენ საკუთარი პროდუქტისა და მომსახურების წარმოჩენას.
ორი უმსხვილესი საგამოფენო სივრცე დაჯავშნილია ღონისძიების ძირითადი სპონსორებისთვის - IGT-სა (სათამაშო აპარატებისა და შესაბამისი პროგრამული უზრუნველყოფის მსოფლიოს ერთ-ერთი წამყვანი მწარმოებელი და მომწოდებელი) და CoinPaid-ისთვის (კრიპტოვალუტის გაცვლის უდიდესი, ავტორიტეტული კომპანია).
სხვა საერთაშორისო კომპანიებთან ერთად, Batumi Gaming Fest-ზე ასევე წარმოდგენილი იქნება: სათამაშო ინვენტარის მწარმოებელი ლატვიური კომპანია CTC Holdings, სათამაშო აპარატების მწარმოებელი ბულგარული კომპანია CT Gaming და ონლაინ გეიმინგის დეველოპერი კომპანია - CT Interactive, საინფორმაციო ტექნოლოგიებისა და თამაშების მწარმოებელი კომპანია ბელარუსიდან - StarCoStudio, ასევე სპორტბუქინგის პლატფორმის პროვაიდერი კომპანია სომხეთიდან - Digitain.
ადგილობრივი ბიზნესი წარმოდგენილი იქნება რამდენიმე კომპანიით. ფესტივალის გენერალური პარტნიორი - Eclipse Casino Batumi, აგრეთვე, მეორე სპონსორი Otium Casino Batumi - ორივე მათგანი წარმოდგენილი იქნება საგამოფენო სტენდებზე შოუს სტუმრების გართობის მიზნით.
მათ, ვისაც სურთ სამუშაოს დაწყება სამორინეებში, საშუალება ექნებათ პირადად გაესაუბრონ სამორინეების მენეჯმენტს - დაუსვან მათ კითხვები და გააკეთონ განაცხადი ვაკანსიებზე.
ღონისძიებაზე მოწვეულია ყველა ძირითადი სამორინესა და ამ საქმიანობასთან დაკავშირებული კომპანიების ტოპ მენეჯმენტი. შესაბამისად, სამსახურის მაძიებლებისთვის ეს იქნება არაჩვეულებრივი შესაძლებლობა გააფართოვონ და განამტკიცონ კავშირები.
ადგილობრივი ბიზნესიდან გამოფენაზე წარმოდგენილი იქნება: სამორინეს ინვენტარის სადისტრიბუციო კომპანია Gaming Supplies, სათამაშო ბიზნესში სპეციალიზირებული იურიდიული კომპანია Justice League, ინტერიერის დიზაინისა და ავეჯის მწარმოებელი კომპანია - TCH, აგრეთვე რამდენიმე პროექტი უძრავი ქონების სფეროდან.
უძრავი ქონების სექტორი 7th Heaven-ის სპონსორობით წარმოადგენს სპონსორის პროექტს და ასევე სამორინე-სასტუმროების სხვა პროექტებს, რომლებიც ხელმისაწვდომია მოცემულ მომენტში.
BGF (ბგფ)-ის მთავარი მიზანია, ქალაქში გამჭვირვალე და საქმიანი გარემოს შექმნით დაეხმაროს ბათუმს, განვითარდეს, როგორც სათამაშო ტურიზმის რეგიონული ცენტრი.
ფესტივალთან დაკავშირებული დეტალების შესახებ ინფორმაციის მიღება შესაძლებელია ვებ-გვერდზე:
