მოსკოვი აშშ-სგან სერგეი ლავროვისთვის და რუსეთის დელეგაციის წევრებისთვის ვიზების გაცემას მოითხოვს გაერო-ს გენერალური ასამბლეის სხდომაზე დასასწრებად
18.08.2022 ნახვები: 582
მოსკოვი აშშ-სგან საგარეო საქმეთა მინისტრ სერგეი ლავროვისთვის და რუსეთის დელეგაციის წევრებისთვის ვიზების გაცემას მოითხოვს ნიუ იორკში გაერო-ს გენერალური ასამბლეის სხდომაზე დასასწრებად. რუსული მედიის ცნობით, ამის შესახებ აშშ-ში რუსეთის ელჩმა ანატოლი ანტონოვმა განაცხადა.
„ჩვენ ვისურვებდით, გვენახა სერგეი ლავროვო გაერო-ს გენერალურ ასამბლეაზე. აშშ-ს ბოლო წლებში არაერთხელ შეუქმნია ჩვენთვის სირთულეები სამუშაო ვიზიტებთან დაკავშირებით, მათ შორის გაერო-ს ხაზით. საელჩომ უკვე მიმართა თეთრ სახლს, სახელმწიფო დეპარტამენტს მოთხოვნით, შეასრულონ ქვეყნის ვალდებულებები, რომლის ტერიტორიაზეც განთავსებულია გაერო-ს შტაბ-ბინა და დაუყოვნებლივ გასცენ ვიზები მინისტრისთვის და რუსეთის დელეგაციის ყველა წევრისთვის“, – განაცხდა ანტონოვმა.
ნიუ იორკში გაერო-ს გენერალური ასამბლეის 77-ე სესია 13 სექტემბერს გაიხსნება.
