თბილისის მერია 60 წელს გადაცილებულ 300 ადამიანს აუზზე ცურვას და ფიტნეს დარბაზებს დაუფინანსებს.
პროექტი ბიუჯეტის ქვეპროგრამის "სპორტი უფროსი თაობისთვის" ფარგლებში ხორციელდება.
თბილისის საკრებულოს დადგენილების თანახმად, მოსარგებლეებს დაუფინანსდებათ აუზზე ცურვის ან/და ფიტნეს დარბაზის 1-საათიანი ხანგრძლივობის მომსახურება. მომსახურება მოიცავს თვეში არაუმეტეს 9 ვიზიტს.
მათ თითო ვიზიტში 4 ლარის გადახდა მოუწევთ.
მოსარგებლეებს მომსახურების მიღება შეუძლიათ 11:00 საათიდან 14:00 საათამდე პერიოდში.
ქვეპროგრამის ფარგლებში დაფინანსდება თვეში არაუმეტეს 300 მოსარგებლე. ისინი თბილისის ტერიტორიაზე უნდა იყვნენ დარეგისტრირებულები.
მოსარგებლეებს საპატიოდ ჩაეთვლებათ 5 გაცდენა. ამის შემდეგ მათ პროგრამიდან ამოიღებენ და ისინი მომლოდინე ადამიანებით ჩანაცვლდებიან.
