ევროპარლამენტი მტკიცედ ემხრობა საქართველოს მოთხოვნას, შეწყდეს რუსული ოკუპაცია და აღდგეს მისი ტერიტორიული მთლიანობა, – ამის შესახებ ევროპარლამენტარი მარინა კალიურანდი სოციალურ ქსელში წერს.
„14 წლის წინ რუსეთი თავს დაესხა საქართველოს და დაიწყო ომი, რომელსაც მოჰყვა სიკვდილი, ტანჯვა და ტერიტორიის ნაწილის ოკუპაცია. ჩვენ არასოდეს დავივიწყებთ და არ ვაპატიებთ ამას. ევროპარლამენტი მტკიცედ ემხრობა საქართველოს მოთხოვნას, შეწყდეს რუსული ოკუპაცია და აღდგეს მისი ტერიტორიული მთლიანობა“, – წერს მარინა კალიურანდი.
