ჩვენი მიზანია, გაორმაგდეს აზერბაიჯანიდან ევროკავშირში ბუნებრივი აირის მიწოდება-ურსულა ფონ დერ ლაიენი

ჩვენი მიზანია, რამდენიმე წელიწადში გაორმაგდეს აზერბაიჯანიდან ევროკავშირში გაზის მიწოდება, აზერბაიჯანი იქნება გადამწყვეტი პარტნიორი ჩვენი მომარაგების უსაფრთხოებისთვის, – ამის შესახებ ევროკომისიის პრეზიდენტი ურსულა ფონ დერ ლაიენი „ტვიტერზე“ წერს.

მისი თქმით, ევროკავშირი ენერგიის უფრო საიმედო მომწოდებლებს მიმართავს.

„დღეს მე ვარ აზერბაიჯანში, რათა ხელი მოვაწერო ახალ შეთანხმებას. ჩვენი მიზანია, რამდენიმე წელიწადში გაორმაგდეს აზერბაიჯანიდან ევროკავშირში გაზის მიწოდება. აზერბაიჯანი იქნება გადამწყვეტი პარტნიორი ჩვენი მომარაგების უსაფრთხოებისთვის და კლიმატური ნეიტრალიტეტისკენ მიმავალ გზაზე“, – წერს ურსულა ფონ დერ ლაიენი.