სოსო გოგაშვილის დაკავება მიმდინარე გამოძიების ფარგლებში მოხდა-სუს-ი
16.07.2022 ნახვები: 597
სახელწიფო უსაფრთხოების სამსახურის პრესსამსახურში ადასტურებენ ინფორმაციას უწყების უფროსის ყოფილი მოადგილის, სოსო გოგაშვილის დაკავების შესახებ.
როგორც საქართველოს პირველ არხს სუს-ში განუმარტეს, დაკავება მოხდა მიმდინარე გამოძიების ფარგლებში, მოსამართლის განჩინების საფუძველზე.
სუს-ის პრესსამსახურის განცხადებით, გოგაშვილის სახლში ჩხრეკა მოსამართლის განჩინების საფუძველზე ჩატარდა და აუცილებელი გახდა მისი დაკავება.
სხვა დეტალებზე სახელმწიფო უსაფრთხოების სამსახურში არ საუბრობენ. ასევე, უცნობია, რას ედავებიან სუს-ის უფროსის ყოფილ მოადგილეს და რა მუხლით მიმდინარეობს გამოძიება.
