ისრაელის საპარლამენტო არჩევნებში ხმების 41,9%-ის დათვლის შემდეგ პრემიერ-მინისტრ ბენიამინ ნეთანიაჰუს ბლოკი ლიდერობს. საარჩევნო კომისიის წინასწარი მონაცემებით, ნეთანიაჰუს ბლოკი 120-ადგილიან ქნესეთში 57 მანდატს მოიპოვებს, მისი მთავარი კონკურენტის, გადი აიზენკოტის ბლოკი კი – 47 მანდატს. ინფორმაციას The Times of Israel ავრცელებს.
წინასწარი შედეგებით, 12 მანდატს იღებს „ერთობლივი სია“ – ძირითადად არაბული პოლიტიკური პარტიების გაერთიანება, რომელიც არცერთ ბლოკს არ მიეკუთვნება. კიდევ ოთხ მანდატს მოიპოვებს პარტია „რაამი“.
ამ მონაცემებით, ნეთანიაჰუს ბლოკს საპარლამენტო უმრავლესობის მოსაპოვებლად საჭირო 61 მანდატამდე ოთხი ადგილი აკლდება. ამდენად, მთავრობის ფორმირების საკითხი საბოლოო შედეგებსა და შესაძლო კოალიციურ შეთანხმებებზე იქნება დამოკიდებული.
საარჩევნო კომისიის ინფორმაციით, ამომრჩეველთა აქტივობამ 77,7% შეადგინა.
ხმების დათვლა გრძელდება და მანდატების წინასწარი განაწილება შესაძლოა შეიცვალოს.
წყარო: The Times of Israel
