აშშ-ის ტენესის შტატში სიკვდილმისჯილი ქალი სასიკვდილო ინექციის გაკეთების შემდეგ გადარჩა. ინფორმაციას BBC ავრცელებს.
ტენესის შტატში სიკვდილით დასჯის პროცედურის დროს 50 წლის კრისტა პაიკს პენტობარბიტალის ორი ინექცია გაუკეთეს, თუმცა მსჯავრდებული გადარჩა და ციხიდან საავადმყოფოში გადაიყვანეს.
პაიკის ადვოკატების განცხადებით, ინექციის გაკეთების შემდეგ მსჯავრდებული 40 წუთის განმავლობაში კვლავ სუნთქავდა.
ადვოკატებმა სასამართლოს სიკვდილით დასჯის შეჩერების მოთხოვნით მიმართეს და განაცხადეს, რომ პროცედურამ მათი დაცვის ქვეშ მყოფის „გაუმართლებელი აგონია“ გამოიწვია, რაც, მათი შეფასებით, მისი უფლებების დარღვევას წარმოადგენს.
კრისტა პაიკს სიკვდილით დასჯა 1995 წელს 19 წლის კოლინ სლემერის წამებისა და მკვლელობისთვის აქვს მისჯილი. დანაშაულის ჩადენისას პაიკი 18 წლის იყო.
საქმეს აშშ-ში დიდი გამოხმაურება მოჰყვა, ნაწილობრივ იმიტომ, რომ იმ პერიოდში გავრცელებული ე.წ. „სატანისტური პანიკის“ ფონზე გარდაცვლილის სხეულზე პენტაგრამა იყო ამოკვეთილი.
სიკვდილით დასჯის აღსრულების შემთხვევაში, პაიკი ბოლო 200 წლის განმავლობაში პირველი ქალი გახდება, რომელსაც ტენესის შტატში სიკვდილით დასჯიან.
