ევრო 2024 | ესპანეთი - იტალია 1:0

• რიკარდო კალაფიორის ავტოგოლი მეხუთე იყო მიმდინარე ევროპის ჩემპიონატზე.
• იტალიისა და ესპანეთისთვის ეს მატჩი მე-11 იყო დიდ ტურნირებზე (მსოფლიო ჩემპიონატზე – 8, ევროპის ჩემპიონატზე – 3), რაც რეკორდია ევროპულ ნაკრებებს შორის.
• ესპანეთის ნაკრების ნახევარმცველი პედრი კრიშტიანუ რონალდუს მაჩვენებელს გაუთანაბრდა. მან 21 წლის ასაკისთვის მთავარ სანაკრებო ტურნირებზე 12 შეხვედრა ჩაატარა, მსგავსი შედეგი ჰქონდა პორტუგალიელ ფეხბურთელსაც.
• ესპანეთის ეროვნული გუნდი მატჩის განმავლობაში უდიდეს უპირატესობას ფლობდა, „ფურია როხამ“ მეტოქის კარის მიმართულებით 20-ჯერ დაარტყა, ხოლო იტალიის ნაკრების მეკარემ, ჯანლუიჯი დონარუმამ 8 დარტყმა მოიგერია, ერთხელ კი ბურთი ხარიხას მოხვდა.

55′ წუთი. შეხვედრაში ერთ-ერთი ყველაზე სახიფათო ფეხბურთელის, ესპანეთის ნაკრების გარემარბის, ნიკო უილიამსის აქტიურობის შემდეგ ბურთი ალვარო მორატას მიუვიდა, რასაც რიკარდო კალაფიორის ავტოგოლი მოჰყვა.

ორი ტურის შემდეგ B ჯგუფს ესპანეთის ნაკრები 6 ქულით ლიდერობს და მეტოქეთათვის მიუწვდომელია. რაც შეეხება იტალიას, ლუჩანო სპალეტის გუნდს 3 ქულა აქვს და მეორეა. ბოლო ტურში ესპანეთი ალბანეთს შეხვდება, ხოლო იტალია – ხორვატიას. ლუის დე და ფუენტეს გაწვრთნილი ესპანეთი მერვედფინალში A, D, E ან F ჯგუფის მესამეადგილოსანს 30 ივნისს კიოლნში დაუპირისპირდება.

 1tv.ge