ევრო 2024 | ესპანეთი - იტალია 1:0
ევრო 2024 | ინგლისი - დანია 1:1
გიორგი ვაშაძე - ჩემი მიზანი არ ყოფილა აუტისტური სპექტრის მქონე ადამიანების დამცირება ან შეურაცხყოფა, ბოდიშს ვუხდი მათ და მათი ოჯახის წევრებს
ევრო 2024 | სლოვენია - სერბეთი 1:1
1 აშშ დოლარის ღირებულება 2.8001 ლარი გახდა
მამუკა ხაზარაძე - ჩვენ გვყავს რუსული ხელისუფლება, რომელიც ყველაფერს აკეთებს იმისთვის, რომ ჩვენი ქვეყანა რუსულ ჭაობში ჩაითრიოს, ამას ჩვენ არ დავუშვებთ
იურიდიულ საკითხთა კომიტეტის სხდომაზე დეპუტატებმა ე.წ. ლგბტ პროპაგანდის წინააღმდეგ მომზადებულ საკანონმდებლო პაკეტს პირველი მოსმენით მხარი დაუჭირეს
გიგი წერეთელი - დღეს აშშ-ს კონგრესში, ჰელსინკის კომისიაში საუბარი კვლავ ე.წ „აგენტების კანონის“ შესახებ იქნება

პაატა მანჯგალაძე - „ქართული ოცნების“ განცხადებები წესით დაცინვას იმსახურებენ ღალატთან რომ არ გვქონდეს საქმე

05.22.2024 | 12:28 ნახვები: 219

„ქართული ოცნების” განცხადებები სრული სიგიჟეა და წესით დაცინვას იმსახურებენ ღალატთან რომ არ გვქონდეს საქმე, - ასე შეაფასა „სტრატეგია აღმაშენებლის“ დეპუტატმა, პაატა მანჯგალაძემ ვენეციის კომისიის დასკვნის „ქართული ოცნების“ მხრიდან შეფასება.

როგორც მანჯგალაძემ აღნიშნა, ხელისუფლება „ქაღალდის ნაგლეჯის”, „რუსული კანონის“ გამო „არას“ ეუბნება აშშ-ს, ევროკავშირს და მთელ ცივილიზებულ მსოფლიოს საინფორმაციო ბრძოლას უცხადებენ.

„ქართული ოცნების“ განცხადებები სრული სიგიჟეა და წესით დაცინვას იმსახურებენ ღალატთან რომ არ გვქონდეს საქმე. ნატო, გაერო, ევროსაბჭო, ევროპარლამენტი, ევროკომისია, ამერიკა, ბრიტანეთი - ყველა თურმე გლობალური ომის ძალების ქვეშ არიან, მათ შორის ვენეციის კომისიაც. ამ სიგიჟეს უკრავს ტაშს „ქართული ოცნება“.

ვენეციის კომისიამ თქვა, რომ [უცხოური გავლენის გამჭვირვალობის შესახებ კანონი] თავისი შინაარსით არის რუსული პასპორტი, რომლითაც ჩვენთან ევროკავშირში ვერ მოხვდებით. ამაზე მეტი რუსული საქმე რა უნდა გააკეთო? რაღაც ქაღალდის ნაგლეჯის, „რუსული კანონის“ გამო „არას“ ეუბნები აშშ-ს, ევროკავშირს და მთელ ცივილიზებულ მსოფლიოს საინფორმაციო ბრძოლას უცხადებ. ამაზე ცხადი რუსული საქმე რა უნდა გააკეთო? თუ დასავლეთის, ამერიკის და ევროპის გავლენა შემცირდება საქართველოში, ვისი გაიზრდება? მივმართავ „ქართულ ოცნებას“ და მის პროპაგანდისტებს: რას აწერთ ხალხო ხელს, რომ საქართველო, როგორც თავისუფალი სახელმწიფო არ არსებობდეს?

ბიძინას უნდა, რომ ეს ჟანგიანი და რუსული ფარდა ჩამოაფაროს საქართველოს კეთილდღეობას და ყველანაირი პერსპექტივა მოსპოს ქვეყანაში”, - განაცხადა მანჯგალაძემ.

შეგახსენებთ, ვენეციის კომისია „უცხოური გავლენის გამჭვირვალობის შესახებ“ კანონპროექტზე გადაუდებელ მოსაზრებას აქვეყნებს.

ვენეციის კომისია მკაცრი რეკომენდაციით გამოდის, რომ „უცხოური გავლენის გამჭვირვალობის შესახებ“ კანონპროექტი გაწვეულ იქნას მისი ამჟამინდელი ფორმით.

კომისიის დასკვნაში ნათქვამია, რომ კანონპროექტი საბოლოო ჯამში, გავლენას იქონიებს ღია, ინფორმირებულ საჯარო დებატებზე, პლურალიზმსა და დემოკრატიაზე.

ამასთან, “ქართული ოცნება” აღნიშნულ დასკვნას გამოეხმაურა, რა დროსაც აღნიშნა, რომ ვენეციის კომისიის დასკვნა გაჯერებულია პოლიტიკური გზავნილებით, მოკლებულია სამართლებრივ და პროფესიულ დასაბუთებას და შეიცავს მთელ რიგ ფაქტობრივად არასწორ ფაქტობრივ ინფორმაციას.

ყველას ნახვა
ყველას ნახვა