ანრი ოხანაშვილი - ვენეციის კომისიას დააწერინეს, რომ გამჭვირვალობა ცუდია
მიხეილ სააკაშვილი - „ქართული ოცნების“ ხელისუფლება უნდა წავიდეს და სხვა მთავრობამ ჩაატაროს არჩევნები
23-25 მაისის საქართველოში ცვალებადი ამინდია მოსალოდნელი
პაატა მანჯგალაძე - „ქართული ოცნების“ განცხადებები წესით დაცინვას იმსახურებენ ღალატთან რომ არ გვქონდეს საქმე
კეთროვანი „ტრიუკაჩი“ - „ოცნება“ სამაგალითოდ უნდა დაისაჯოს
Russian troops conduct more than 390 attacks in Zaporizhzhia over past day
Russian army loses 1,300 soldiers in Ukraine over past day
Ukraine's air defense forces down all 24 Shahed drones overnight

საქართველოს ნაკრებმა ევრო 2024-ის შესარჩევი ეტაპი ესპანეთთან მატჩით დაასრულა

11.20.2023 | 08:42 ნახვები: 304

საქართველოს ეროვნული ნაკრები ევრო 2024-ის საკვალიფიკაციო ეტაპის ბოლო მატჩში ჯგუფის ლიდერს, ესპანეთს დაუპირისპირდა და 1:3 დამარცხდა.

ვალიადოლიდის „ესტადიო ხოსე სორილიაზე“ გამართულ მატჩში ვილი სანიოლმა გუნდში ერთი ცვლილება შეიტანა – ტრავმირებული ლევან შენგელიას ნაცვლად, შემადგენლობაში ირაკლი აზაროვი დაბრუნდა.

შეხვედრა ჩვენთვის ძალიან ცუდად დაიწყო – უკვე მე-4 წუთზე, საჯარიმოს გათამაშების შემდეგ ანგარიში „რეალ სოსიედადის“ მცველმა რობინ ლე ნორმანმა გახსნა. თუმცა მე-10 წუთზე ბოლო მატჩებში შეთამაშებულმა დუეტმა გაისროლა – გიორგი ჩაკვეტაძემ სწრაფი კონტრშეტევით დასარტყმელ პოზიციაზე ხვიჩა კვარცხელია გაიყვანა, რომელმაც ზუსტად დაარტყა და ანგარიში გაათანაბრა 1:1.

ამის შემდეგ ესპანეთმა დიდი უპირატესობა მოიპოვა, რეალური საგოლე მომენტებიც შექმნა, მაგრამ გიორგი მამარდაშვილმა გუნდი ოთხჯერ გადაარჩინა. ჩვენები კონტრშეტევას ფაქტობრივად ვერ ახერხებდნენ, მაგრამ მასპინძლებმა შესვენებამდე უპირატესობით ვერ ისარგებლეს და ტაიმი ფრედ დასრულდა.

მეორე ნახევარში მატჩის სურათი არა, მაგრამ ანგარიში კი მალე შეიცვალა – 55-ე წუთზე ხოსე გაიას გადაცემით ფერან ტორესმა ზუსტი თავური დარტყმით მასპინძლები ისევ დააწინაურა. 72-ე წუთზე კი ლამინ იამალის ჩაწოდების მოგერიებისას ლუკა ლოჩოშვილმა ბურთი საკუთარ კარში ჩაჭრა – 3:1.

75-ე წუთზე გაფრთხილება მიიღო ხვიჩა კვარაცხელიამ. ეს მისთვის ევრო 2024-ის შესარჩევზე მესამე ყვითელი ბარათია, რაც იმას ნიშნავს, რომ იგი შემდეგ მატჩს ტოვებს. თუმცა, უეფა-ს წესებით, ბარათი ევროშესარჩევიდან ერთა ლიგის პლეი ოფზე არ გადაჰყვება. ასე რომ, კვარაცხელია მარტში, პლეი ოფში ითამაშებს.

საბოლოოდ, ესპანეთმა ისევ გაიმარჯვა, 21 ქულით ჯგუფში პირველი ადგილი დაიკავა, ხოლო საქართველოს ნაკრებმა ევრო 2024-ის შესარჩევი ციკლი 8 ქულით მე-4 ადგილზე დაასრულა.

1tv.ge

ყველას ნახვა
ყველას ნახვა