"კრამონი საქართველოს წინააღმდეგ შეთქმულებაში მონაწილეობს" - ვოლსკი
კრამონი გრიგორიადისის მხარდამჭერ აქციაზე: ძალიან მრავალფეროვანი იყო, ეს აშინებს ოცნებას
საღამოს კვარას თამაშს დავესწრები, ქუჩაში ქართული საუბრები ისმის ყველგან...ყველას სამშობლოში დაბრუნება უნდა - მამუკა ხაზარაძე
გია ვოლსკი - რადიკალური ოპოზიციიდან თითი თითზე არავის დაუდია რეკომენდაციების შესასრულებლად
მიხეილ სარჯველაძე - ვიოლა ფონ კრამონი ბოლო ხანებში ძალიან გამოირჩევა ოპოზიციის გულშემატკივრობით, გვახსოვს, მარტის აქციას გამოეხმაურა, ეს ყველაფერი მაიდანს მაგონებსო
ნინო ლომჯარია - საჯაროდ წარმოდგენილ მტკიცებულებებში არ ჩანს, რომ ლაზარემ ე.წ. მოლოტოვის კოქტეილი ისროლა
ვოლოდიმირ ზელენსკი - გაერო-ს უშიშროების საბჭოში რუსეთის თავმჯდომარეობა არის ასეთი ინსტიტუტების სრული გაკოტრება
ჯოზეფ ბორელი - გაერო-ს უშიშროების საბჭოში რუსეთის თავმჯდომარეობა საპირველაპრილო ხუმრობას შეეფერება

ვოლოდიმირ ზელენსკი - ჩვენ გვაქვს თავისუფლება, მოგვეცით ფრთები, რომ დავიცვათ ის

02.08.2023 | 20:41 ნახვები: 118

ჩვენ გვაქვს თავისუფლება, მოგვეცით ფრთები, რომ დავიცვათ ის, – ამ გზავნილით წარსდგა უკრაინის პრეზიდენტი ვოლოდიმირ ზელენსკი თემთა პალატის წინაშე სიტყვით გამოსვლისას. როგორც ცნობილია, უკრაინა გაერთიანებულ სამეფოს სამხედრო თვითმფრინავების მიწოდებას სთხოვს.

ვოლოდიმირ ზელენსკიმ თემთა პალატის სპიკერს სწორედ აღნიშნული ფრაზით გაფორმებული ჩაფხუტი უსახსოვრა, რომელიც უმაღლესი კლასის უკრაინელ პილოტს ეკუთვნის. პრეზიდენტი დარწმუნებულია, რომ ჩაფხუტი, როგორც სიმბოლო დაეხმარება მათ თვითმფრინავების კოალიციის შექმნაში.

„ლონდონი კიევის გვერდით იდგა პირველივე დღიდან, პირველივე წამიდან. თქვენ გამოგვიწოდეთ დახმარების ხელი მაშინ, როდესაც მსოფლიომ ჯერ კიდევ არ იცოდა, რა რეაგირება ჰქონოდა“, – განაცხადა ზელენსკიმ და ხაზგასმით აღნიშნა ყოფილი პრემიერ-მინისტრის სიმტკიცე და უკომპრომისობა უკრაინის მხარდაჭერაში.

„ბორის, თქვენ გააერთიანეთ სხვები, როდესაც ეს აბსოლუტურად შეუძლებელი ჩანდა“, – აღნიშნა ზელენსკიმ.

ზელენსკიმ ასევე მოუწოდა გაერთიანებულ სამეფოს, განაგრძოს სანქციების დაწესება რუსეთის წინააღმდეგ, რათა ამ უკანასკნელმა ვეღარ შეძლოს უკრაინაში ომის დაფინანსება. მან ასევე მადლობა გადაუხადა ქვეყანას რუსული დანაშაულების წინააღმდეგ სპეციალური ტრიბუნალის შესაქმნელად საფუძვლის მომზადებაში გაწეული დახმარებისთვის.

ამასთან, პრეზიდენტმა მადლობა გადაუხადა გაერთიანებულ სამეფოს ტანკებისა და პირადად პრემიერ-მინისტრ რიში სუნაკს ამ გადამწყვეტი ნაბიჯისთვის. მისი თქმით, შორ რადიუსზე მოქმედი რაკეტები საშუალებას მისცემს უკრაინას, გააძევოს მტერი თავისი ტერიტორიიდან.

„რუსეთი წააგებს. როდესაც ჩვენ ერთად გავიმარჯვებთ, ნებისმიერ აგრესორს ეცოდინება, რა ელის, თუ საერთაშორისო წესრიგს თავს დაესხმება“, – განაცხადა ზელენსკიმ.