"ლელო" მოუწოდებს შს სამინისტროს დაწყებამდე აღკვეთოს ძალადობის ყველა გამოვლინება
ირაკლი კუპრაძე, ალეკო ელისაშვილი და ტატა ხვედელიანი თაბუკაშვილის ქუჩაზე მდებარე ავარიული სახლის მცხოვრებლებს შეხვდნენ
მზია ამაღლობელს თავისუფალი მედიის პრემია გადაეცემა
ლევან ხაბეიშვილი მელიქიშვილის გამზირზე დაპირისპირებაზე - მდინარაძესთან იყო შეთანხმებული, ის გახდა „რკინის ხელი“ - ეს ივანიშვილის ისტერიკა იყო, ბოლო ჟამი დგას
General Staff: 195 combat clashes on front lines, most attacks repelled in Pokrovsk and Novopavlivka sectors
Russian army loses another 950 troops in war against Ukraine
National Guard soldiers destroy over 100 Russian ammo depots in one month
SBU destroyed over 2,000 Russian tanks since start of invasion

რუსეთის დუმამ ოკუპირებულ ცხინვალთან ორმაგი მოქალაქეობის შესახებ შეთანხმება დაამტკიცა

20.05.2022 ნახვები: 577

რუსეთის დუმამ ოკუპირებულ ცხინვალის რეგიონთან ორმაგი მოქალაქეობის გამარტივების შესახებ შეთანხმების რატიფიცირებას მხარი დაუჭირა. ინფორმაცია დუმის ოფიციალურ ვებგვერდზე გამოქვეყნდა. დოკუმენტი დუმაში პრეზიდენტმა ვლადიმერ პუტინმა შეიტანა.

შეთანხმებას ორმაგი მოქალაქეობის შესახებ რუსეთმა და ოკუპირებულმა ცხინვალმა 2021 წელს მოაწერეს ხელი. შეთანხმება ერთ მხარეს აძლევს საშუალებას მეორე მხარის მოქალაქეობა ისე მიიღოს, რომ თავის მოქალაქეობაზე უარი არ თქვას.

"მოქალაქეობის მოთხოვნა შეეძლება რესპუბლიკის ნებისმიერ მოქალაქეს, რომელიც ქმედუნარიანია და 18 წელს არის მიღწეული. ბავშვები 14 წლამდე, მიიღებენ იგივე მოქალაქეობას, რასაც მშობლები. სანამ ბავშვები 18 წლის გახდება, მშობლები შეძლებენ მისთვის მოქალაქეობის არჩევას - წერილობით საფუძველზე. დოკუმენტის თანახმად, პირებს, რომლებიც მიიღებენ ორმაგ მოქალაქეობას, შეეძლებათ ისარგებლონ სოციალური დახმარებით, განათლებით, სამედიცინო მომსახურებით, იმ ტერიტორიაზე, სადაც მუდმივად ცხოვრობენ. ეს ნორმა ასევე ვრცელდება სამხედრო სამსახურზეც. შეთანხმება ძალაში შევა მას შემდეგ, რაც რატიფიცირებული დოკუმენტების გავლა მოხდება. ის იმოქმედებს 5 წლის განმავლობაში და ავტომატურად გაგრძელდება იგივე ვადით, თუ რომელიმე მხარე უარს არ იტყვის შეთანხმებაზე და არ გააფრთხილებს მხარეს ამის შესახებ ვადის ამოწურვამდე 6 თვით ადრე", - წერია დუმის საიტზე გამოქვეყნებულ ინფორმაციაში.

აღსანიშნავია, რომ შეთანხმების რატიფიცირება ოკუპირებულ ცხინვალში დაგეგმილ ე.წ. რეფერენდუმამდე მოხდა.

13 მაისს, ოკუპირებული ცხინვალის მოქმედმა დე ფაქტო პრეზიდენტმა ანატოლი ბიბილოვმა ე.წ. რესპუბლიკის რუსეთთან მიერთების "რეფერენდუმის" ჩატარებას ხელი მოაწერა. დე ფაქტო რეფერენდუმი 17 ივლისს უნდა ჩატარდეს.

მანამდე გავრცელდა ინფორმაცია, რომ ოკუპირებული ცხინვალის დე ფაქტო ცენტრალურმა საარჩევნო კომისიამ გადაამოწმა ყველა საბუთი, რომელიც "რესპუბლიკის რუსეთთან მიერთების" შესახებ ე.წ. რეფერენდუმს ეხება. როგორც ე.წ. ცესკოს განცხადებაში წერია, საინიციატივო ჯგუფის მიერ წარდგენილი დოკუმენტაცია "რესპუბლიკის კანონებს შეესაბამება". ამის შემდეგ ბიბილოვმა განაცხადა, რომ "დადგა დრო ერთხელ და სამუდამოდ გავერთიანდეთ. გავხდეთ უფრო ძლიერები ამ უკვე ოფიციალურ კავშირში. რუსეთი და სამხრეთ ოსეთი იქნებიან ერთად. ეს არის ახალი დიდი ისტორიის დასაწყისი". 

ოკუპირებული ცხინვალის ახლად არჩეულმა ე.წ პრეზიდენტმა ალან გაგლოევმა 14 მაისს აღნიშნა, რომ "რესპუბლიკის" რუსეთის ფედერაციასთან შეერთებას მხარს უჭერს, თუმცა არაა დარწმუნებული, რომ მოქმედმა ე.წ პრეზიდენტმა ანატოლი ბიბილოვმა "რეფერენდუმის" გამართვისთვის სწორი დრო შეარჩია.

ყველას ნახვა
ყველას ნახვა