მაქსიმ შევჩენკო- დავაბრუნოთ დევნილები, საქართველო უარს იტყვის NATO-ზე
23.03.2021 ნახვები: 882
აშშ-ში პრეზიდენტ ბაიდენის ადმინისტრაციის მოსვლით, რომელმაც საქართველოსა და უკრაინის მიმართულებით საკუთარი პოლიტიკის გააქტიურება დაიწყო, რუსეთში ხვდებიან, რომ თავისუფალი ცურვის რეჟიმის პერიოდი დასასრულისკენ მიდის.
პოლიტიკოსი მაქსიმ შევჩენკო პირდაპის სდებს ბრალს კრემლს იმაში, რომ აფხაზეთისა და ე.წ. სამხრეთ ოსეთის დამოუკიდებლობის აღიარებით კრემლმა ხელი ჰკრა საქართველოს და ამით ორ ქვეყანას შორის პოლიტიკური დიალოგის შესაძლებლობაც დახურა.
შევჩენკო აღიარებს, რომ საქართველოში არ არის პოლიტიკური ძალა, მათ შორის მოსკოვისადმი ყველაზე ლოიალურად განწყობილი, რომელიც რუსეთს რეალურად დაელაპარაკება რაიმე ფორმით თანამშრომლობაზე - აფხაზეთისა და ე.წ. სამხრეთ ოსეთის ოკუპაციის პირობებში.
რუსი პოლიტიკოსი ასევე აღნიშნავს, რომ 6 ერის გაერთიანება საქართველოს გარეშე ფიქციაა, ხოლო საქართველო მასში აფხაზეთისა და ე.წ. სამხრეთ ოსეთის ოკუპაციის პიროებში არ გაერთიანდება.
ამ და სხვა ფაქტორების გათვალისწინებით შევჩენკო რუსეთის ხელისუფლებას სთავაზობს აფხაზეთსა და ე.წ. სამხრეთ ოსეთში დააბრუნოს ქართველი დევნილები. შევჩენკო მიიჩნევს, რომ ამ ნაბიჯით რუსეთი გააძლიერებს საკუთარ გავლენას კავკასიაში და კერძოდ, საქართველოში.
მისივე თქმით, ოკუპირებული ტერიტორიების საკითხების გადაჭრის შემთხვევაში საქართველო უარს იტყვი NATO-სა და ევროსტრუქტურებში ინტეგრაციაზე.
უნდა აღინიშნოს, რომ შევჩენკოს მიერ გაჟღერებული თემა პირველად არ ხდება მსჯელობის საკითხი, თუმცა მას მუდმივად წინააღმდეგობა ხვდება აფხაზეთისა ადგილობრივი მოსახლეობის და პოლიტიკური კლასის მხრიდან. მიზეზად კი ექპერტები იმ გარემოებას ასახელებენ, რომ დევნილი მოსახლეობის საცხოვრებელი სახლები აფხაზებმა და ადგილზე მცხოვრებმა სომეხმა დაისაკუთრეს.
სხვადასხვა ინფორმაციების შეჯერებით, ამჟამად ოკუპირებულ აფხაზეთში 220 ათასამდე ადამიანი ცხოვრობს, მაშინ როდესაც, 1993 წელს დასახლებული იყო 550 ათასზე მეტი ადგილობრივი მოსახლე.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
