მე პუტინის მისამართით სიტყვა ჯალათს არ გამოვიყენებდი-ემანუელ მაკრონი

მე პუტინის მისამართით სიტყვა ჯალათს არ გამოვიყენებდი, - ეს განცხადება საფრანგეთის პრეზიდენტმა, ემანუელ მაკრონმა ადგილობრივ მედიასთან ინტერვიუს დროს გააკეთა.

მისი თქმით, თუ დასავლეთს სურს სიტუაციის განმუხტვა დიპლომატიის გზით, სიტყვიერი ესკალაცია მისთვის მიუღებელია.

„მე ამ სიტყვას არ გამოვიყენებდი. პირველ რიგში აუცილებელია ცეცხლის შეწყვეტა და შემდეგ რუსეთის ჯარის სრულად გაყვანა უკრაინიდან დიპლომატიური გზით. თუ ამის გაკეთება გვსურს, მაშინ სიტყვიერად ან ქმედებებით ესკალაცია არ შეიძლება", - განაცხადა ემანუელ მაკრონმა.

შეგახსენებთ, რომ აშშ-ის პრეზიდენტმა, ჯო ბაიდენმა პოლონეთში ვიზიტის დროს ვლადიმირ პუტინს ჯალათი უწოდა.