ვატო ყიფიანი, ავთანდილ ბილანიშვილი და შოთა ყიფიანი დუმილის უფლებას იყენებენ – პროკურატურა სამივე დაკავებულის პატიმრობას მოითხოვს

ჯგუფურად ჩადენილი ძალადობის ბრალდებით დაკავებული ვატო ყიფიანი, ავთანდილ ბილანიშვილი, მეტსახელად „კაწრო“, და შოთა ყიფიანი დუმილის უფლებით სარგებლობენ. ამის შესახებ „ინტერპრესნიუსს“ მათმა ადვოკატმა მარიკა ფხალაძემ განუცხადა.

უფლებადამცველის განმარტებით, დაკავებულების პოზიციის გათვალისწინებით, ამ ეტაპზე მედიასთან დამატებით კომენტარს არ აკეთებს.

სამივე ბრალდებულის მიმართ აღკვეთის ღონისძიების შეფარდების საკითხზე სასამართლო დღეს იმსჯელებს. პროკურატურა ვატო ყიფიანის, ავთანდილ ბილანიშვილისა და შოთა ყიფიანის მიმართ პატიმრობის გამოყენებას მოითხოვს.

გამოძიების ინფორმაციით, საქმე ეხება 14 ოქტომბერს თბილისში, ერთ-ერთ რესტორანში მომხდარ ფიზიკურ დაპირისპირებას. საგამოძიებო უწყების ვერსიით, ბრალდებულებმა დაზარალებულზე ჯგუფურად იძალადეს.

სამივე დაკავებულს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით წარედგინა, რაც ჯგუფურად ჩადენილ ძალადობას გულისხმობს.

აღნიშნული დანაშაული სასჯელის სახით ორ წლამდე თავისუფლების აღკვეთას ითვალისწინებს.

სასამართლომ უნდა გადაწყვიტოს, არსებობს თუ არა ბრალდებულების მიმართ პატიმრობის გამოყენების კანონით გათვალისწინებული საფუძვლები.

დაკავებულების მიერ დუმილის უფლებით სარგებლობა მათ კანონით მინიჭებულ უფლებას წარმოადგენს და ბრალის აღიარებას არ ნიშნავს.

წყარო: „ინტერპრესნიუსი“