უკრაინული დრონების შეტევის შედეგად, რუსეთის პრიმორსკის პორტში ნავთობსადენი დაზიანდა, ნიჟნი ნოვგოროდის ოლქში კი ნავთობის ობიექტებზე ხანძარი გაჩნდა. ადგილობრივი ხელისუფლების ცნობით, ლენინგრადის ოლქზე იერიში 5 აპრილს ღამით განხორციელდა. მათივე ინფორმაციით, საჰაერო თავდაცვის ძალებმა 19 დრონი ჩამოაგდეს. უპილოტოების ნამსხვრევებმა პრიმორსკის პორტის რაიონში ნავთობსადენის ერთ-ერთი მონაკვეთი დააზიანა. დაშავებულები არ არიან.
ამას გარდა, ნიჟნი ნოვგოროდის ოლქის კსტოვოს რაიონის სამრეწველო ზონაში 30 დრონი ჩამოაგდეს. ინფორმაციას ადგილობრივი ხელისუფლება ავრცელებს. მათი თქმით, ნამსხვრევების ჩამოვარდნის შედეგად დაზიანდა კომპანია „ლუკოილის“ ორი ობიექტი, სადაც ხანძარი გაჩნდა. ასევე დაზიანდა ნოვოგორკოვსკის თბოელექტროსადგური, რამდენიმე საცხოვრებელი სახლი და საკარმიდამო ნაკვეთი. მოსახლეობის ნაწილს ელექტროენერგია არ მიეწოდებოდა.
უკრაინულმა ტელეგრამარხებმა გაავრცელეს ვიდეოები, რომლებშიც, მათი თქმით, კსტოვოს ნავთობგადამამუშავებელ ქარხანაში გაჩენილი ხანძარია ასახული.
რუსეთის თავდაცვის სამინისტროს ინფორმაციით, 5 აპრილს ღამით საჰაერო თავდაცვის ძალებმა ჯამში 87 უკრაინული უპილოტო აპარატი ჩამოაგდეს და გაანადგურეს ბელგოროდის, ბრიანსკის, ვორონეჟის, ნიჟნი ნოვგოროდის, კურსკის, ორიოლის, ტამბოვის, პენზის, ულიანოვსკის, ტვერის, ლენინგრადის ოლქებში, ასევე მორდოვიასა და ანექსირებულ ყირიმში.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
