კახა კალაძის განცხადებით, დიდი დიღომი-დიდუბის ტრამვაის ხაზის პროექტზე გამოცხადებული ტენდერი გუშინ, 31 მარტს დასრულდა. აღნიშნული განცხადება კალაძემ თბილისის მთავრობის სხდომაზე გააკეთა. მის თქმით, ტენდერში წინადადებით 3 თურქული და 1 ჩინური კომპანია შევიდა. გამარჯვებული კი სატენდერო დოკუმენტაციის შესაბამისობის შესწავლის შემდეგ გამოცხადდება.
"მოცემულ ტენდერში მონაწილეობის სურვილი გამთქვა და შესაბამისი სატენდერო წინადადებები წარმოადგინა 4-მა კომპანიამ და ერთობლივმა საწარმომ, მათ შორის, 3 თურქეთში და 1 კომპანია ჩინეთშია რეგისტრირებული. ოთხივე პრეტენდენტი წარმოადგენს საკმაოდ მსხვილ და გამოცდილ კომპანიას, რომელსაც არაერთი ანალოგიური პროექტი აქვს განხორციელებული სხვადასხვა ქვეყნებსა და ქალაქებში.
უკვე დაწყებულია წარმოდგენილი დოკუმენტაციის დეტალური ანალიზი და გამოცხადებულ ტენდერის პირობებთან შესაბამისობის დადგენის პროცესი, რასაც გარკვეული დრო სჭირდება, საკმაოდ დიდი დოკუმენტაციაა, რის შედეგადაც გამოვლინდება გამარჯვებული კომპანია და მასთან დაიდება შესაბამისი ხელშეკრულება" - განაცხადა კალაძემ.
როგორც კახა კალაძე ამბობს, ტრამვაის ხაზის პროექტი 3 ეტაპისგან შედგება და გამარჯვებულ კომპანიას ხელშეკრულების გაფორმებიდან 36 თვე მიეცემა მის დასასრულებლად.
"პროექტი სამი ეტაპისგან შედგება: კონცეპტუალური პროექტი, დეტალური პროექტი და მშენებლობა, რომელთა ჯამური ვადა შეადგენს 36 თვეს. მას შემდეგ რაც გამოვლინდება გამარჯვებული კომპანია, ხელი მოეწერება ხელშეკრულებას 36 თვის ვადაში პროექტი უნდა იყოს დასრულებული" - თქვა მან.
2025 წლის დეკმებერში კახა კალაძე ამბობდა, რომ ოქტომბერში გამოცხადებული ტენდერის გამარჯვებული კომპანია იანვრის ბოლოს ეყოლებოდათ. აღნიშნული ტენდერი სატენდერო დოკუმენტაციაში ტექნიკური პარამეტრებისა და პროცედურების კორექტირების აუცილებლობის მიზეზით შეწყდა. ახალი ტენდერი კი 2026 წლის თებერვალში გამოცხადდა.
ცნობისთვის, თბილისში ტრამვაის მშენებლობა კახა კალაძის წინასაარჩევნო დაპირება იყო. 2025 წლის 20 აგვისტოს დედაქალაქის მთავრობის სხდომაზე კალაძემ თქვა, რომ "საქართველოს დამოუკიდებლობის ისტორიაში პირველად, განხორციელდება ტრამვაის პროექტი. დღეს ჩვენ ვაცხადებთ ტენდერს ტრამვაის ხაზის პროექტისა და სამშენებლო სამუშაოების შესყიდვაზე".
შეგახსენებთ, 2023 წელს გამოქვეყნებული, თბილისის სატრანსპორტო განვითარების გეგმის მიხედვით, რომელიც დანიურმა საკონსულტაციო კომპანია Ramboll-მა მოამზადა, დიდი დიღმის ქალაქის ცენტრთან დაკავშირების ერთ-ერთ გზად ტრამვაის ხაზის გაყვანა განიხილებოდა.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
