მას შემდეგ, რაც რუსეთმა „სთარლინკზე“ წვდომა დაკარგა, უკრაინამ თითქმის 400 კვადრატული კილომეტრი ტერიტორია დაიბრუნა, – ამის შესახებ „უოლ სთრით ჯორნალი“ წერს.
გამოცემის მიხედვით, უკრაინულმა ჯარებმა ყველაზე დიდი ტერიტორიულ წინსვლას ორ წელზე მეტი ხნის განმავლობაში სწორედ მას შემდეგ მიაღწიეს, რაც რუსულმა ძალებმა ილონ მასკის SpaceX-ის თანამგზავრულ ინტერნეტქსელზე წვდომა დაკარგეს.
„„სთარლინკის“ გარეშე ისინი ფაქტობრივად ცივი ომის ეპოქის კომუნიკაციებს დაუბრუნდნენ“, – განაცხადა ერთ-ერთმა უკრაინელმა სამხედრო ოფიცერმა.
ანალიტიკოსების შეფასებით, ამ დროიდან უკრაინამ ზაპოროჟიესა და დნეპროპეტროვსკის რეგიონებში დაახლოებით 380 კვადრატული კილომეტრი ტერიტორია დაიბრუნა. მათი თქმით, კომუნიკაციების დაკარგვამ მნიშვნელოვნად შეამცირა რუსული დრონების ეფექტურობა.
„სწრაფი კოორდინაციის არარსებობის გამო რუსებს არ შეეძლოთ სამიზნე კოორდინატების სწრაფად გადაცემა დანაყოფებს შორის. Starlink-ის დაკარგვის შემდეგ ისინი იძულებულნი გახდნენ, რადიოკავშირზე გადასულიყვნენ, რომლის ჩაჭრაც უკრაინულმა ძალებმა აქტიურად დაიწყეს“, – წერს „უოლ სთრით ჯორნლი“.
ამასთან, უკრაინელი სამხედროების შეფასებით, რუსული ძალების კოორდინაციის დონე მხოლოდ დაახლოებით 60%-მდე აღდგა.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
