2025 წელს საქართველოს რეიტინგის 4-ქულით დაეცა, რაც ყველაზე დიდი ვარდნა იყო ევრაზიის რეგიონში, - ამის შესახებ Freedom House-ის ანგარიშშია ნათქვამი.
“საქართველოში მთავრობის წინააღმდეგ დიდი მასშტაბის პროტესტები, რომლებიც 2024 წელს დაიწყო, 2025 წელს გაგრძელდა იმის მიუხედავად, რომ დემონსტრანტები პოლიციის მხრიდან არაპროპორციული ძალისა და არასათანადოდ მოპყრობის წინაშე იყვნენ. მმართველი “ქართული ოცნების” პარტიის ოპონენტები განიცდიდნენ ფიზიკურ თავდასხმებს, შევიწროებას და ახალ საკანონმდებლო შეზღუდვებს, რომელთა მიზანია, საჯარო საქმეებში ოპოზიციური პარტიებისა და სამოქალაქო საზოგადოების მონაწილეობისთვის ხელის შეშლა. ქვეყნის რეიტინგი 4 პუნქტით შემცირდა”, - ნათქვამია ანგარიშში.
Freedom House აღნიშნავს, რომ 2025 წელს საქართველოს თავისუფლების რეიტინგის ვარდნა ყველაზე დიდი იყო ევრაზიის რეგიონში.
„საქართველოში პროფესორები, რომლებიც კრიტიკულად იყვნენ განწყობილი მთავრობისადმი, თანამდებობებიდან გათავისუფლების რისკების წინაშე იყვნენ, რაც მმართველი “ქართული ოცნების” პარტიის უფრო ფართო ძალისხმევების ნაწილია, რომ საკუთარი პოლიტიკური კონტროლი საგანმანათლებლო სისტემაზე განავრცონ. დამატებით, “ქართული ოცნების” მთავრობამ საპარლამენტო კომისია შექმნა ოპოზიციის წევრების გამოსაძიებლად და დააპატიმრა ისინი, ვინც უარი თქვა მონაწილეობაზე, და ზოგიერთს პატიმრობა მიუსაჯა მოგონილი ან შეთხზული ბრალდებებით. ამ ზომებმა წვლილი შეიტანეს წლის განმავლობაში საქართველოს რეიტინგის 4-ქულიან ვარდნაში, რაც ყველაზე დიდი იყო ევრაზიის რეგიონში”, - ნათქვამია ანგარიშში.
პოლიტიკური უფლებებისა და სამოქალაქო თავისუფლებების მხრივ საქართველოზე უარესი ვარდნა (რომელმაც 4 ქულა დაკარგა) 2025 წელს განიცადეს მხოლოდ გვინეა-ბისაუმ (8 ქულა), ტანზანიამ (7 ქულა), ბურკინა-ფასომ (5 ქულა), სალვადორმა (5 ქულა) და მადაგასკარმა (5 ქულა).
IPN
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
