უკრაინა ევროკავშირის ქვეყნებისგან დაფინანსებას მაშინაც კი მიიღებს, თუ უნგრეთი და სლოვაკეთი დაპირებული 90 მილიარდი ევროს ოდენობის სესხის დაბლოკვას გააგრძელებენ, - ინფორმაციას POLITICO ორ ევროპელ დიპლომატზე დაყრდნობით ავრცელებს.
გამოცემის ცნობით, ევროკავშირის ლიდერები მომავალ კვირას ბრიუსელში სამიტზე შეიკრიბებიან და შეეცდებიან, უნგრეთისა და სლოვაკეთის პრემიერ-მინისტრები, ვიქტორ ორბანი და რობერტ ფიცო, სესხის დამტკიცების შესახებ უკრაინისთვის მიცემული დაპირების შესრულებაში დაარწმუნონ.
მოლაპარაკებებთან დაკავშირებულმა ორმა დიპლომატმა გამოცემას განუცხადა, რომ თუ ორბანი და ფიცო უკან არ დაიხევენ, ბალტიის და სკანდინავიის ქვეყნებს აქვთ გეგმა, რომ უკრაინას წლის პირველი ნახევრისთვის საკმარისი თანხა მისცენ.
POLITICO-ს წყარომ განუცხადა, რომ მიმდინარეობს განხილვა 30 მილიარდ ევროსთან დაკავშირებით და რადგან ეს ორმხრივი სესხები იქნება, დასამტკიცებლად ევროკავშირის თანხმობა საჭირო არ იქნება.
გარდა ამისა, ნიდერლანდების ფინანსთა მინისტრმა ელკო ჰაინენმა სამშაბათს განაცხადა, რომ მისი მთავრობა კიევისთვის ორმხრივი დახმარების სახით 2029 წლამდე წელიწადში 3.5 მილიარდი ევროს გამოყოფას უზრუნველყოფს.
„ეს არ არის პირველი შემთხვევა, როდესაც უნგრეთთან მსგავსი სახის სირთულეებს ვაწყდებით. ჩვენ ამ სესხს, ამა თუ იმ გზით, მაინც გავცემთ“, - განაცხადა ევროკომისარმა ეკონიმიკის საკითხებში ვალდის დომბროვსკისმა.
„უკრაინისთვის ინდივიდუალური დაფინანსების გამოყოფის იდეა ჯერ კიდევ დეკემბრის სამიტამდე განიხილებოდა, სადაც ყველა წევრი ქვეყნის ლიდერი ევროკავშირის ერთიანი სესხის გაცემაზე შეთანხმდა. ინდივიდუალური სესხების ვარიანტი იმ დროს არასასიამოვნოდ მიიჩნევდნენ, რადგან თვლიდნენ, რომ ეს ძირს უთხრიდა ევროკავშირის სოლიდარობას უკრაინის მიმართ და ბლოკში ღრმა განხეთქილებებს ავლენდა. მაგრამ თუ ორბანი უარს იტყვის წინააღდეგობის შეწყვეტაზე, ეს, შეიძლება, წინსვლის ერთადერთი გზა იყოს“, - წერს POLITICO.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
