ეუთო-ს საპარლამენტო ასამბლეა ქართველ პოლიტიკურ აქტორებთან შეხვედრების შესახებ ინფორმაციას ავრცელებს.
„შეხვედრების გრძელი დღე პერე ჟოან პონს სამპიეტროსა და ეუთო-ს საპარლამენტო ასამბლეის კოლეგების მიერ ქართველ პოლიტიკურ აქტორებთან როგორც პარლამენტში, ასევე მის გარეთ. საქართველოში მაღალი დონის ვიზიტის მესამე დღე სამშაბათს გრძელდება”, - ნათქვამია ეუთო-ს საპარლამენტო ასამბლეის მიერ X-ზე გავრცელებულ განცხადებაში.
მანამდე გამოქვეყნებულ განცხადებაში, რომელიც ამ დროისთვის ეუთო-ს საპარლამენტო ასამბლეის X-ზე აღარ იძებნება, ნათქვამი იყო, რომ საქართველოში პოლიტიკური ველის პოლარიზაცია ნათელია და ქართველი ხალხისთვის შედეგებზე ორიენტირებული გადაწყვეტილებების მოსაძებნად პოლიტიკური სპექტრის ყველა ნაწილის ჩართულობაა საჭირო.
„შეხვედრების გრძელი დღე პერე ჟოან პონს სამპიეტროსა და ეუთო-ს საპარლამენტო ასამბლეის კოლეგების მიერ ქართველ პოლიტიკურ აქტორებთან როგორც პარლამენტში, ასევე მის გარეთ. პოლიტიკური ველის პოლარიზაცია ნათელია. ქართველი ხალხისთვის შედეგებზე ორიენტირებული გადაწყვეტილებების მოსაძებნად პოლიტიკური სპექტრის ყველა ნაწილის ჩართულობაა საჭირო“, - აღნიშნავდა ეუთო.
ცნობისთვის, ეუთო-ს საპარლამენტო ასამბლეის დელეგაცია საქართველოს 8 მარტს ეწვია და ვიზიტს 10 მარტს დაასრულებს. მას ეუთო-ს საპარლამენტო ასამბლეის პრეზიდენტი, პერე ჟოან პონს სამპიეტრო ხელმძღვანელობს.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
