უკრაინის პრეზიდენტმა, ვოლოდიმირ ზელენსკიმ არაბთა გაერთიანებული საამიროების პრეზიდენტთან, შეიხ მოჰამედ ბინ ზაიდ ალ ნაჰიანთან და კატარის ემირ, შეიხ თამიმ ბინ ჰამად ალ-თანისთან სატელეფონო საუბრისას ირანის დარტყმები განიხილა.
უკრაინის პრეზიდენტმა ორივე ქვეყნის მიმართ სოლიდარობა გამოხატა.
„დღეს ვესაუბრე იმ ქვეყნების ლიდერებს, რომლებიც ამჟამად ირანის თავდასხმის ქვეშ არიან – არაბთა გაერთიანებული საამიროების პრეზიდენტს და კატარის ემირს. ჩვენ გავაგრძელებთ ამ დიპლომატიურ ჩართულობას ახლო აღმოსავლეთისა და სპარსეთის ყურის რეგიონთან. უკრაინა სოლიდარობას უცხადებს ყველას, ვინც ეწინააღმდეგება ომისა და ძალადობის გავრცელებას. ათწლეულების განმავლობაში ირანის რეჟიმი ინვესტიციებს დებდა მეზობლებისა და სხვა ადამიანების სიცოცხლის განადგურებაში, სადაც კი შეეძლო მისწვდომოდა. სწორედ ამის საფუძველზე გახდნენ ისინი რუსეთის უკრაინის წინააღმდეგ ომში თანამონაწილეები. უკრაინის ცაზე ყოველი „შაჰედის“ დრონი ადასტურებს, რომ ირანის რეჟიმმა უნდა აგოს პასუხი სიცოცხლის განადგურებისა და ადამიანების მკვლელობის მცდელობებზე. აუცილებელია, რომ ამ დაპირისპირებაში გაიმარჯვონ მათ, ვინც სიცოცხლეს იცავს. ჩვენი გუნდების – უკრაინის გუნდის, ემირატებისა და კატარის გუნდების და სხვა სახელმწიფოების – დონეზე ჩვენ განვსაზღვრავთ, თუ როგორ შეგვიძლია, ერთად უზრუნველვყოთ სიცოცხლის უფრო ძლიერი დაცვა. უკრაინის გამოცდილება „შაჰედის“ დრონების წინააღმდეგ ბრძოლაში ამჟამად ყველაზე მოწინავეა მსოფლიოში და ეს დრონები ამ რეგიონშიც მთავარ გამოწვევას წარმოადგენს. ნათელია, თუ რატომ არის ასეთი მოთხოვნა მიმართული უკრაინისკენ. თუმცა, ჩვენი პარტნიორების დაცვისკენ მიმართული ნებისმიერი ასეთი თანამშრომლობა შეიძლება, გაგრძელდეს მხოლოდ ჩვენივე თავდაცვითი შესაძლებლობების შემცირების გარეშე აქ, უკრაინაში. რუსეთის ომი უკრაინის წინააღმდეგ გრძელდება, რუსული დარტყმები გრძელდება და უკრაინელების სიცოცხლის დაცვა ჩვენი მთავარი პრიორიტეტი რჩება“, – განაცხადა ზელენსკიმ.
ამასთან, როგორც „როიტერი” წერს, კიევის ოფიციალურმა პირებმა განაცხადეს, რომ უკრაინა მზად იქნება ახლო აღმოსავლეთში დრონების სპეციალისტები გაგზავნოს ირანული დრონების ჩამოგდებაში დასახმარებლად, თუ მისი პარტნიორები რუსეთთან ომში ცეცხლის შეწყვეტის შუამავლობაში დაეხმარებიან.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
