დიდი ბრიტანეთის პრემიერ-მინისტრმა, კირ სტარმერმა განაცხადა, რომ ბრიტანეთი აშშ-ს საკუთარი სამხედრო ბაზებიდან თავდაცვითი ოპერაციების განხორციელების ნებას რთავს.
„აშშ-მა მოითხოვა ბრიტანული ბაზების გამოყენების ნებართვა კონკრეტული და შეზღუდული თავდაცვითი მიზნით. ჩვენ გადავწყვიტეთ ეს მოთხოვნა დავაკმაყოფილოთ, რათა თავიდან ავიცილოთ რეგიონში ირანის სარაკეტო დარტყმები, რაც უდანაშაულო მოქალაქეებს კლავს, ბრიტანელების სიცოცხლეს საფრთხეში აგდებს და არტყამს ქვეყნებს, რომლებიც კონფლიქტში მონაწილეობას არ იღებენ“, – განაცხადა სტარმერმა.
