მიტროპოლიტი თეოდორე რუსეთის პატრიარქ კირილს: ჩვენთვის მიუღებელია მათი აღიარება, ვისაც ხელდასხმა არ მიუღია – არავითარ ზეწოლას არ დავემორჩილებით
მეუფე იობი: ილია მეორე წუხდა, რატომ არ მეკითხებიან ქვეყნის საკითხებზე და რატომ არ ვარ უშიშროების საბჭოს წევრიო
EU disburses EUR 7.9 bln to strengthen Ukraine’s financial stability
NATO fully recognizes new war domains: Cyber and electromagnetic – NSATU Commander
Ukrainian forces hit three Russian ballistic missile launchers – Zelensky
Ukraine cooperating with Poland in probe into airspace violation – FM Sybiha
NATO focuses on building integrated air defense ecosystem for Ukraine – NSATU commander
Republicans in Congress criticize Trump’s meeting with Xi and Putin

ტობიას კრამერი - საქართველომ, ისევე როგორც „ქართულმა ოცნებამ“, უნდა გადაწყვიტოს, საით სურს სვლა

ნახვები: 390 ტობიას კრამერი - საქართველომ, ისევე როგორც „ქართულმა ოცნებამ“, უნდა გადაწყვიტოს, საით სურს სვლა

დემოკრატიული უკუსვლის განმარტებას როდესაც ვეძებთ, ლექსიკონი აღარ გვჭირდება, უბრალოდ ,თბილისში უნდა გავფრინდეთ, ამჟამად „ქართული ოცნება“ ყველაფერს აკეთებს საკუთარი ხალხის ევროპული მისწრაფებებისთვის ძირის გამოსათხრელად, – ამის შესახებ ევროპარლამენტარმა, ტობიას კრამერმა ევროპარლამენტის საგარეო ურთიერთობათა კომიტეტში გამოსვლისას განაცხადა, სადაც საქართველოში არსებული მდგომარეობის შესახებ ანგარიშის თანამომხენებელია.

კრამერის თქმით, გაფართოების საკითხზე ევროკომისიის მოხსენება საქართველოსთან მიმართებაში სრულიად მართებულია.

„ისინი რუსეთთან ერთად არიან, პუტინზე დამოკიდებულნი ხდებიან. ვფიქრობ, ჩემი აზრით, ეს გეოპოლიტიკურად ძალიან არაშორსმჭვრეტელი სტრატეგიაა, მათი ხალხისთვის ეს საშინელი სტრატეგიაა. ახლა მათ ნაკლები თავისუფლება აქვთ, ვიდრე ოდესმე ჰქონიათ, ისინი ვერ ახერხებენ თავისუფლად დემონსტრაციის ჩატარებას. „ქართულმა ოცნებამ“ პირველი მსოფლიო ომის დროინდელი ქიმიური იარაღი გამოიყენა საკუთარი ხალხის წინააღმდეგ დემონსტრაციებზე, რაც სრულიად მიუღებელია. თუ დადასტურდება ის, რაც BBC-მ გააშუქა და მტკიცებულებები ამაზე მეტყველებს. ამ ეტაპზე, ვფიქრობ, კომისიის მოხსენება სრულიად მართებულია, როდესაც ვამბობთ, რომ ეს ყველაზე ცუდი მოხსენებაა, რაც კი კანდიდატი ქვეყნისთვის ოდესმე გვქონია მომზადებული“, – განაცხადა კრამერმა.

ევროპარლამენტარის განცხადებით, მნიშვნელოვანია, ევროპარლამენტმა ნათელი პოზიცია დაიკავოს და საქართველომ, ისევე როგორც „ქართულმა ოცნებამ“, უნდა გადაწყვიტოს, საით სურს სვლა.

„ევროპისკენ? მაშინ უნდა იმოქმედოს და შეიცვალოს. თუ რუსეთის ორბიტაზე ყოფნა სურს? მაშინ ნებისმიერი ამბიციაზე უარი უნდა თქვას და ხალხთან გულწრფელი იყოს, რადგან „ქართული ოცნება“ მუდმივად ატყუებს საკუთარ მოსახლეობას და ყველა დანარჩენს. მინდა, „ქართული ოცნება“ ბოლოს და ბოლოს გულწრფელი იყოს. ერთადერთი, რაც ჯერ კიდევ იმედს გვაძლევს საქართველოსთან დაკავშირებით, არის ქართველი ხალხი. ისეთი ადამიანების სიმამაცე, როგორებიცაა ის, ვისაც ჩვენ სახაროვის პრემია ძალიან მართებულად გადავეცით და ის ადამიანები, ვისაც ვხვდებით საქართველოში, ვინც ჯერ კიდევ გადის ქუჩაში ყველა იმ საფრთხის გათვალისწინებით, რაც მათ ემუქრებათ. ამიტომ, ჩვენ გავაგრძელებთ შესწორებების შეტანას, განსაკუთრებით იმისთვის, რომ ქართველი ხალხის ზიანის მიყენების გარეშე „ქართული ოცნების“ მთავრობაზე სანქციები ეფექტურად დავაწესოთ. ჩვენი პოზიცია კი ნათელია: საქართველო ევროპის ნაწილია, მაგრამ „ქართული ოცნება“ არა“, – განაცხადა კრამერმა.

ყველას ნახვა
ყველას ნახვა
ყველას ნახვა