ჟენევაში უკრაინას, აშშ-სა და რუსეთს შორის გამართული მოლაპარაკებების დროს ორი ჯგუფი მუშაობდა - სამხედრო ჯგუფი და პოლიტიკური ჯგუფი. ტერიტორიულ საკითხთან დაკავშირებით სამ მხარეს სამი განსხვავებული თვალსაზრისი ჰქონდა, - ამის შესახებ უკრაინის პრეზიდენტმა ვოლოდიმირ ზელენსკიმ ბრიტანელ ჟურნალისტ პირს მორგანთან ინტერვიუში განაცხადა.
მისი თქმით, სამხედრო ჯგუფში დელეგაციების წარმომადგენლებმა ომის შემდეგ ცეცხლის შეწყვეტის მონიტორინგის საკითხები განიხილეს და ამ მიმართულებით გარკვეული პროგრესი შეინიშნება.
„პოლიტიკური მიმართულებით საქმე უფრო რთულადაა. ჩვენ ერთნაირი თვალსაზრისი არ გვაქვს. ტერიტორიულ საკითხთან დაკავშირებით სამი განსხვავებული თვალსაზრისი გვაქვს. ვფიქრობ, ეს ადვილი არ არის, მაგრამ ვეცადეთ, ძალიან კონსტრუქციული ვყოფილიყავით“, - აღნიშნა ზელენსკიმ.
მისი თქმით, უკრაინას არ შეუძლია დონბასი რუსეთს კონტროლისთვის ჩააბაროს.
„უბრალოდ დანებება? ვერ დავუჭერ მხარს ასეთ იდეას. არ ვარ დარწმუნებული, რომ ჩვენი ხალხი მზად იქნება - ათასობით, ათიათასობით უკრაინელი დაიღუპა უკრაინის ამ ნაწილის დასაცავად“, - განმარტა ზელენსკიმ.
მისი თქმით, დონბასის საკითხი არა მხოლოდ ტერიტორიას, არამედ ადამიანებსა და სახელმწიფოს დაცვის სტრატეგიასაც ეხება.
„დონბასი ჩვენი დამოუკიდებლობისა და ჩვენი ღირებულებების ნაწილია. თავისუფლება ჩვენთვის ცარიელი სიტყვა არ არის“, - განაცხადა უკრაინის პრეზიდენტმა.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
