აშშ-ის პრეზიდენტის, დონალდ ტრამპის განცხადებით, გრენლანდიის საკითხზე აშშ ნატო-ს ესაუბრება.
ამის შესახებ დონალდ ტრამპმა ჟურნალისტის კითხვაზე საპასუხოდ განაცხადა.
„ჩვენ გრენლანდია ეროვნული უსაფრთხოებისთვის უკიდურესად გვჭირდება. ჩვენ თუ არ გვექნება გრენლანდია, მაშინ ეროვნულ უსაფრთხოებაში დიდი გარღვევა გვექნება. განსაკუთრებით, როდესაც საქმე ეხება საჰაერო თავდაცვის სისტემა „ოქროს გუმბათს“ და ბევრ სხვა რამეს. ჩვენ დიდი ინვესტიცია დავაბანდეთ სამხედრო სფეროში. ჩვენ გვყავს მსოფლიოში უძლიერესი სამხედრო ძალები და ისინი კიდევ უფრო ძლიერდებიან. თქვენ ეს ნახეთ ვენესუელაში, ირანზე იერიშის დროს, როდესაც მწყობრიდან გამოვიყვანეთ მათი ბირთვული შესაძლებლობები“, – აღნიშნა ტრამპმა.
