ურსულა ფონ დერ ლაიენი - ახლა რუსეთზეა დამოკიდებული, აჩვენოს, რომ დაინტერესებულია მშვიდობით
12.01.2026 ნახვები: 206
ახლა რუსეთზეა დამოკიდებული, აჩვენოს, რომ დაინტერესებულია მშვიდობით, მას შემდეგ, რაც კიევი და მისი მოკავშირეები სამშვიდობო გეგმასა და უსაფრთხოების გარანტიებზე შეთანხმდნენ, – ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.
მისი თქმით, 20-პუნქტიანი სამშვიდობო გეგმა არის წინადადება, რომელიც კიევისთვის მტკიცე და კარგად განსაზღვრულ უსაფრთხოების გარანტიებს მოიცავს.
ლაიენმა ასევე აღნიშნა, რომ უსაფრთხოების გარანტიები, პირველ რიგში, უკრაინის შეიარაღებულ ძალებზე იქნება დამოკიდებული, რომლებიც, მისი თქმით, კარგად გაწვრთნილები და საბრძოლო გამოცდილების მქონეები არიან.
„ევროპელების ამოცანა იქნება იმის უზრუნველყოფა, რომ უკრაინული არმიაც კარგად იყოს აღჭურვილი“, – აღნიშნა ლაიენმა.
ევროკომისიის პრეზიდენტის თქმით, ევროკავშირი მუშაობს გეგმებზე, რათა ცეცხლის შეწყვეტის შემდეგ უკრაინის ეკონომიკური კეთილდღეობა უზრუნველყოს.
