უკრაინამ, დრონების გამოყენებით, რუსეთში გაზის გადამამუშავებელ ქარხანასა და პორტს დაარტყა
25.12.2025 ნახვები: 145
უკრაინის უსაფრთხოების სამსახურის სპეციალური ოპერაციების ცენტრმა „ალფამ“ დრონებით კრასნოდარის მხარეში მდებარე ტემრიუკის საზღვაო პორტსა და ორენბურგში გაზის გადამამუშავებელ ქარხანას დაარტყა. ინფორმაციას უკრაინული მედია ქვეყნის უსაფრთხოების სამსახურის ოფიციალურ პირზე დაყრდნობით ავრცელებს.
მედიაში გავრცელებული ინფორმაციით, ტემრიუკის პორტში ნავთობის ორი ავზი იწვის და ხანძარი დაახლოებით 2000 კვადრატულ მეტრზე მძვინვარებს.
უკრაინის უსაფრთხოების სამსახურის მაღალჩინოსნის ცნობით, ორენბურგის გაზის გადამამუშავებელი ქარხანა მსოფლიოში უდიდესი კომპლექსია, რომელიც წელიწადში 37.5 მილიარდ კუბურ მეტრ გაზს ამუშავებს.
