მრგვალი მაგიდა: როგორ ეწინააღმდეგება საქართველო გარე ჩარევასა და საერთაშორისო ზეწოლას
16.12.2025 ნახვები: 277
თბილისში გაზეთ „სვობოდნაია გრუზიას" ორგანიზებით გაიმართა მრგვალი მაგიდა თემაზე „საქართველოს ბრძოლა გარე ჩარევასთან“
გაზეთ „სვობოდნაია გრუზიის“ მთავარმა რედაქტორმა ტატო ლაშიშვილმა მოიწვია ექსპერტები: ჟურნალისტი, პროფესორი და ფილოსოფიის მეცნიერებათა დოქტორი ვალერი კვარაცხელია, პოლიტიკურ მეცნიერებათა დოქტორი, პროფესორი თამარ კიკნაძე, პუბლიცისტი, სმირნოვების სახლ-მუზეუმის დირექტორი ბაია ამაშუკელი, საზოგადოებრივი მაუწყებლის სამეურვეო საბჭოს წევრი ბონდო მძინარაშვილი და პოლიტოლოგი, SIKHA-ს ფონდის დამფუძნებელი არჩილ სიხარულიძე.
ექსპერტებმა განიხილეს საგარეო გავლენასთან ბრძოლის მექანიზმები და ის, თუ როგორ შეუძლია მთავრობას გაუძლოს დასავლეთის ძლიერ ზეწოლას.
„ასეთი შეხვედრების ჩატარება მნიშვნელოვანია, რადგან გვაქვს შესაძლებლობა, თავისუფალი ფორმატით განვიხილოთ ის საკითხები, რომლებიც არსებული პოლიტიკური მეინსტრიმის მიღმა დაგროვდა.
ჩვენ ხშირად ვსაუბრობთ თემებზე, რომლებიც ტელევიზიით არ შუქდება და ამიტომაც გვსურს, რომ მეტი ასეთი ფორმატი გვქონდეს და უფრო ხშირად შევხვდეთ ერთმანეთს“, - აღნიშნა პოლიტოლოგმა არჩილ სიხარულიძემ.
განსაკუთრებული ყურადღება დაეთმო სამხრეთ კავკასიაში ტრანზიტს, სომხეთსა და აზერბაიჯანს შორის „ტრამპის გზის“ როლს და რუსეთის პოზიციას თანამედროვე საერთაშორისო ურთიერთობებში.
სიხარულიძის თქმით, მოსკოვის პოლიტიკა განსაზღვრავს მოვლენების განვითარებას და საქართველომ უკვე გააკეთა ყველაფერი, რაც შესაძლებელი იყო.
ფილოსოფიის დოქტორმა, პროფესორმა ვალერი კვარაცხელიამ აღნიშნა, რომ სამყარო სწრაფად იცვლება და მნიშვნელოვანია ახალი რეალობების სწორად შეფასება ქვეყნის მომავლის სტრატეგიის შემუშავებისთვის.
