ჟურნალმა „თაიმმა“ 2025 წლის ადამიანად ხელოვნური ინტელექტის შემქმნელები დაასახელა
12.12.2025 ნახვები: 361
ჟურნალმა, „თაიმმა“ 2025 წლის ადამიანად ხელოვნური ინტელექტის შემქმნელები დაასახელა.
„2025 წელი გახდა ის წელი, როდესაც ხელოვნური ინტელექტის პოტენციალი სრულად გამოჩნდა და ცხადი გახდა, რომ უკან წასასვლელი გზა მოჭრილია. იმისთვის, რომ მოაზროვნე მანქანების ეპოქა რეალობად იქცა, იმისთვის, რომ გააოცეს და ააღელვეს კაცობრიობა, დღევანდელობის ცვლილებისა და ადამიანის შესაძლებლობის გაფართოებისთვის წლის ადამიანად ვასახელებთ ხელოვნური ინტელექტის არქიტექტორებს“, – ნათქვამია ჟურნალ „თაიმის“ მიერ სოციალურ ქსელში გამოქვეყნებულ განცხადებაში.
ჟურნალის ყდაზე წელს იქნებიან „მეტას“ დამფუძნებელი მარკ ცუკერბერგი, „აიემდის“ გენერალური დირექტორი ლიზა სუ, „იქსეიაის“, „სფეის იქსის“ და „ტესლას“ ხელმძღვანელი ილონ მასკი, „ენვიდიას“ უფროსი ჯენსენ ჰუანგანი, „ოფენ ეიაის“ მეთაური სემ ალტმანი, „დიფ მაინდის“ გენერალური დირექტორი დემის ჰასამიბი, „ანთროპიკის“ ხელმძღვანელი დარიო ამოდეი და „იმეჯინ ნეთის“ დამფუძნებელი ფეი-ფეი ლი.
ისინი ყველანი ერთად სხედან რკინის ძელზე და ეს ფოტო მკითხველს ახსენებს 1932 წელს გადაღებულ ფოტოს „სადილი ცათამჯენზე“.
ჟურნალი „თაიმი“ 1927 წლიდან ასახელებს წლის ადამიანს, რომელმაც ბოლო 12 თვეში ყველაზე დიდი გავლენა მოახდინა მსოფლიოზე. 2024 წელს „თაიმმა“ წლის ადამიანად დონალდ ტრამპი დაასახელა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
