წალენჯიხის მუნიციპალიტეტში ქალთა მიმართ ძალადობის წინააღმდეგ კამპანიის ფარგლებში შეხვედრა გაიმართა
02.12.2025 ნახვები: 229
წალენჯიხის მუნიციპალიტეტში ქალთა მიმართ ძალადობის წინააღმდეგ 16 დღიანი კამპანიის ფარგლებში, საქართველოს პროკურატურის ორგანიზებით, ადგილობრივი თვითმმართველობისა და ზოგადსაგანმანათლებლო სფეროს წარმომადგენლებთან შეხვედრა გაიმართა.
წალენჯიხის მუნიციპალიტეტის მერიის ინფორმაციით, ზუგდიდის რაიონული პროკურატურის პროკურორმა ილია ტორუამ ქალთა მიმართ ძალადობისა და ოჯახში ძალადობის წინააღმდეგ სახელმწიფოს მკაცრი პოლიტიკის თაობაზე და პროკურატურის მიერ გატარებული რეფორმების შესახებ ისაუბრა.
კამპანიის მიზანი ქალთა მიმართ და ოჯახში ძალადობის წინააღმდეგ საზოგადოების ცნობიერების ამაღლება და ოჯახური დანაშაულების პრევენციაა. შეხვედრა დიალოგის რეჟიმში წარიმართა.
საინფორმაციო შეხვედრას მუნიციპალიტეტის მერის მოადგილე გიორგი კვარაცხელია , მერიის სხვადასხვა სტრუქტურული ერთეულებისა და საკრებულოს წარმომადგენლები ესწრებოდნენ.
