გერმანიის კანცლერი - უკრაინას ნებისმიერი სამშვიდობო შეთანხმების შემდეგ ძლიერი არმია დასჭირდება
28.11.2025 ნახვები: 387
რუსეთთან ნებისმიერი სამშვიდობო შეთანხმების მიღწევის შემდეგ უკრაინას ძლიერი შეიარაღებული ძალები და უსაფრთხოების გარანტიები დასჭირდება, - ამის შესახებ გერმანიის კანცლერმა, ფრიდრიხ მერცმა განაცხადა.
„უკრაინას ძლიერი შეიარაღებული ძალები სჭირდება და თუ სამშვიდობო შეთანხმება მიღწეული იქნება, უკრაინას კვლავ დასჭირდება ძლიერი შეიარაღებული ძალები და უსაფრთხოების საიმედო გარანტიები პარტნიორებისგან“, - განაცხადა მერცმა ესტონელ კოლეგასთან ერთად გამართულ პრესკონფერენციაზე.
მისი თქმით, ყველაზე მნიშვნელოვანი გარანტია კარგად აღჭურვილი უკრაინული არმიაა.
„სწორედ ამიტომ ვმსჯელობთ უკრაინის არმიის სამომავლო სამიზნე ზომაზეც“, - განაცხადა მერცმა.
მისივე თქმით, უკრაინა არ უნდა აიძულონ ტერიტორიულ დათმობებზე წავიდეს და რომ ნებისმიერი მოლაპარაკების საწყისი წერტილი ფრონტის ხაზი უნდა იყოს.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
