წალენჯიხის მუნიციპალიტეტის 2026 წლის ბიუჯეტის პროექტის საჯარო განხილვა გაიმართა
24.11.2025 ნახვები: 251
24 ნოემბერს, წალენჯიხის მუნიციპალიტეტის საკრებულოს სხდომათა დარბაზში გაიმართა 2026 წლის წალენჯიხის მუნიციპალიტეტის ბიუჯეტის პროექტის საჯარო განხილვა.
საჯარო შეხვედრაში მონაწილეობდნენ ადგილობრივი თვითმმართველობისა და სამოქალაქო სექტორის წარმომადგენლები, ასევე დაინტერესებული მოქალაქეები.
შეხვედრას უძღვებოდა საკრებულოს თავმჯდომარე ცოტნე შონია, რომელმაც დამსწრე საზოგადოებას მისასალმებელი სიტყვით მიმართა.
მომავალი წლის პრიორიტეტებსა და გეგმებზე ისაუბრა წალენჯიხის მუნიციპალიტეტის მერმა, გუბა საჯაიამ, რომელმაც აუდტორიას დეტალურად გააცნო 2026 წელს დაგეგმილი მასშტაბური ინფრასტრუქტურული პროექტები.
ბიუჯეტის პროექტისა და მისი პროგრამული პარამეტრების პრეზენტაცია წარადგინა მერიის საფინანსო-საბიუჯეტო სამსახურის უფროსმა თეა სარიამ.
საწყის ეტაპზე, მუნიციპალიტეტის მთავარი საფინანსო დოკუმენტი 18,727.300 ლარით ლარით განისაზღვრა.
ძირითადი პრიორიტეტებია: ინფრასტრუქტურული პრობლემების მოგვარება; სოციალური პროგრამების დაფინანსება; საზოგადოებრივი ტრანსპორტის განვითარება; კეთილმოწყობა და დასუფთავება; გარემოს დაცვა; ჯანდაცვა, კულტურა, განათლება და სკოლამდელი აღზრდა.
შეხვედრა მიმდინარეობდა კითხვა-პასუხის ფორმატში, სადაც მოქალაქეებმა თავიანთი მოსაზრებები და რეკომენდაციები წარმოადგინეს.
რეგლამენტის შესაბამისად, 25 ნოემბერს 2026 წლის წალენჯიხის მუნიციპალიტეტის ბიუჯეტის პროექტი დასკვნებთან და შენიშვნებთან ერთად მერს გაეგზავნება.
